Ձեր վստահելի աղբյուրը

ՀՀ-ում ԱՄն դեսպան Ջոն Հեֆերնը Լեռնային Ղարաբաղի հակամարտության կարգավորման վերաբերյալ մի շարք «ուշագրավ» գրառումներ է կատարել «Twitter»-ի իր էջում:

«ԼՂ և հարակից տարածքների վերաբերյալ բանակցային մտահոգությունները, ներքին տեղահանված անձանց և փախստականների թեման պետք է լինի բանակցությունների օրակարգում:

ԵԱՀԿ Մինսկի խմբի ամերիկացի համանախագահ Ջեյմս Ուորլիքի կողմից նշված կետը փոխհամաձայնեցված է և իրավաբանորեն պարտավորեցնում է կամաարտահայտություն՝ Լեռնային Ղարաբաղի վերջնական իրավական կարգավիճակը որոշելու համար:

Ջեյմս Ուորլիքը կրկնեց Լ' Աքվիլայում արված հայտարարության 6 կետերը:

Լեռնային Ղարաբաղի հարցում խաղաղությունը պետք է ներառի միջազգային անվտանգության երաշխիքներ, այդ թվում, խաղաղապահ գործողություն:

Լեռնային Ղարաբաղի խաղաղությունը պահանջում է նաև ներքին տեղահանված անձանց և փախստականների վերադարձը իրենց նախկին բնակավայրեր:

«Լեռնային Ղարաբաղի հարակից «օկուպացված տարածքները» պետք է վերադարձվեն Ադրբեջանի վերահսկողությանը»:

Լեռնային Ղարաբաղում խաղաղության հարցը պետք է ներառի Հայաստան և Լեռնային Ղարաբաղի միջև կապող միջանցքը:

Լեռնային Ղարաբաղի միջանկյալ կարգավիճակը պետք է ապահովի անվտանգության երաշխիքների և ինքնակառավարում:

Լեռնային Ղարաբաղի խաղաղության հարցում 6 կետերը պետք է ամբողջությամբ ներառվեն:

Գլխավոր սկբունքներն են՝ ուժի չկիրառում, տարածքային ամբողջականություն, ինքնորոշում:

Լեռնային Ղարաբաղի հարցում խաղաղությունը տարածաշրջանում զարգացման համար նոր փուլ կբացի»:

Նկատենք, որ ԵԱՀԿ Մինսկի խմբի ամերիկացի համանախագահ Ջեյմս Ուորլիքը նախօրեին Լեռնային Ղարաբաղի հակամարտության կարգավորման հնարավոր ուղիների մասին ելույթով էր հանդես եկել Քարնեգիի միջազգային հիմնադրամում: Նա հայտարարել էր, որ կան վեց տարրեր, որոնք պետք է խաղաղության համաձայնագրի մաս կազմեն:

Նշենք, որ ԵԱՀԿ Մինսկի խմբի համանախագահ երկրների ղեկավարները ղարաբաղյան կարգավորման վերաբերյալ հայտարարություններ են ընդունել 2013թ հունիսի 13-ին Հյուսիսիռլանդական Էնիսկիլենում, 2012 թվականի հունիսի 19-ին մեքսիկական Լոս Կաբոսում, 2011 թվականի մայիսի 26-ին ֆրանսիական Դովիլում,
2009 թվականի հունիսի 26-ին կանադական Մուսկոկայում, հուլիսի 10-ին իտալական Լ'Աքվիլայում:

Ինչպես հայտնի է, 2007թ. նոյեմբերին, Մադրիդում համանախագահող երկրների ներկայացուցիչները Հայաստանին ու Ադրբեջանին ներկայացրել էին հինախնդրի կարգավորման հիմնական սկզբունքները:

1. Լեռնային Ղարաբաղի հարակից տարածքների վերադարձ Ադրբեջանի վերահսկողության ներքո:
2. Միջանկյալ կարգավիճակ Լեռնային Ղարաբաղի համար՝ ապահովելով անվտանգության և ինքնակառավարման երաշխիքներ:
3. Հայաստանը և Լեռնային Ղարաբաղը կապող միջանցք:
4. Լեռնային Ղարաբաղի ապագա իրավական կարգավիճակի սահմանում՝ իրավականորեն պարտավորեցնող կամարտահայտության միջոցով:
5. Ներքին տեղահանված անձանց և փախստականների` իրենց նախկին բնակության վայրերը վերադառնալու իրավունք։
6. Անվտանգության միջազգային երաշխիքներ, որոնք կներառեն խաղաղապահ գործողություն:

2009 թ դեկտեմբերին ՀՀ նախագահ Սերժ Սարգսյանին և Ադրբեջանի նախագահ Իլհամ Ալիևին համանախագահների կողմից ներկայացվեցին այսպես կոչված նորացված Մադրիդյան սկզբունքները:


Հարակից հրապարակումներ`

ԼՂՀ ԱԳՆ-ն` Ուորլիքի հայտարարության մասին. ԼՂՀ անկախությունն ու անվտանգությունը բացառիկ արժեքներ են, ենթակա չեն որևէ սակարկության

Ժիրայր Սեֆիլյանը՝ Ուորլիքի հայտարարության մասին. Թող չհամարձակվեն խոսքից գործի անցնել

Ուզըմ են, մենք էլ պտի չտանք. Մանվել Գրիգորյանը` Ուորլիքի հայտարարության մասին

Վերադարձ նախկին սահմաններին չի լինի. ԼՂՀ-ից արձագանքել են Ուորլիքին