Ձեր վստահելի աղբյուրը

Հայաստանի և Ֆրանսիայի տնտեսական համագործակցությունն ու ապրանքաշրջանառությունը չեն համապատասխանում այն հարաբերություններին, որ ունեն երկու երկրները քաղաքական և հասարակական ոլորտներում: Այս մասին այսօր Երևանում կայացած Հայաստան-Ֆրանսիա տնտեսական համաժողովում ասաց Ֆրանսիայի նախագահ Ֆրանսուա Օլանդը:

«Նախ պետք է լավ ճանաչենք Հայաստանի պայմանները և իրականացնենք տնտեսական դիվանագիտություն: Ֆրանսիական ձեռնարկությունները պետք է շատ ներդրումներ կատարեն Հայաստանում: Պայմաններն ու միջոցները հնարավորության սահմաններում պետք է պարզեցվեն»,- ասաց Ֆրանսուա Օլանդը` հավելելով, որ Հայաստանը բարգավաճում է, արագ տեմպերով զարգանում է, բայց Հայաստանի տնտեսություն պետք է բերենք մեր ապրանքներն ու տեխնոլոգիաները, ֆրանսիացի գործարարները պետք է իրենց փորձը բերեն և իրենց գիտելիքները նվիրեն Հայաստանին:

Անդրադառնալով Երևանում «Կարֆուր» հիպերմարկետի բացմանը` Ֆրանսուա Օլանդը նշեց, որ «Կարֆուր»-ի բացմամբ հայ-ֆրանսիական տնտեսական համագործակցության նոր սկիզբը կդրվի:

«Վաղն արդեն «Կարֆուր»-ի առաջին խանութի բացման առիթով կտեսնեք, որ այն հնարավորություն կտա Հայաստանին միջազգային առևտրային ցանցի մեջ մտնելու: Ցանկանում ենք, որ այս առաջին ներդրումը ուրիշներին էլ օժանդակի, քաջալերի, և պետք է բոլոր ձևերով հեշտացնենք ներդրումների գործընթացը»,- ասաց նա:

Նախորդիվ`

Հայաստանի ու Ֆրանսիայի նախագահները ծաղկեպսակ են դրել Հայոց մեծ եղեռնի զոհերի հուշարձանին

Հայաստանում կարելի է լավ բիզնես անել. Սերժ Սարգսյանը` ֆրանսիացի գործարարներին

«Մենք առաջարկել ենք, որպեսզի Հայաստանի միջոցով ֆրանսիական ընկերությունները մուտք գործեն Մաքսային միության շուկաներ»

Ֆրանսիայի նախագահ Ֆրանսուա Օլանդը Հայաստանում է. հատուկ արարողակարգով դիմավորում