Ձեր վստահելի աղբյուրը

Տավուշի մարզի սահմանամերձ Մովսես գյուղում արդեն երկու տարի է` կիրակնօրյա դպրոց է գործում: Դպրոցի պատասխանատու, ուսուցչուհի Ջավահիր Բադայանը Panorama.am-ի թղթակցին պատմեց, որ դպրոցում գործում է երկու խմբակ, անցկացնում են նաև Աստվածաշնչի ընթերցումներ:

Երեխաները հաճախում են ասեղնագործության և նկարչության խմբակներին, աշխատանքները վաճառվում են ցուցահանդեսներում, ինչպես տեղի, այնպես էլ արտասահմանի շուկայում: Ստացված եկամուտը բաշխվում է երեխաներին, նաև թելեր են գնում:

«Երեխաները շատ ակտիվ մասնակցում են դպրոցի պարապմունքներին: Դպրոց է հաճախում 76 երեխա: Եթե կրակոցներ են լինում, դադարեցնում ենք դասերը, բայց որ ասենք, դասերը չենք պարապում, չէ: Հենց երեխաների պահանջով հետաձգված դասերը պարապում ենք»,- ասաց ուսուցչուհին:

Նրա խոսոքով, երեխաներն իրենց ժամանցը եկեղեցում են անցկացնում: Մի փոքր խանգարում են կրակոցները, բայց երեխաները չեն ընկճվում:

«Կիրակնօրյա դպրոցի երեխաների շնորհիվ հոգևոր կյանքն ավելի է զարգանում: Նշում ենք տոները: Վերջերս երեխաների համար կարևորվեց ոտնլվայի արարարողությունը: Շատ հետաքրքիր էր, երեխաները ոգևորված էին»,- պատմում է Ջավահիր Բադայանը:

Մանրամասն` տեսանյությում:

Այցելությունը Տավուշի մարզի սահմանամերձ գյուղեր և զորամաս կազմակերպել էր Մայր Աթոռ Սուրբ Էջմիածինը՝ Վեհափառ Հայրապետի օրհնությամբ:

Նախորդիվ`

Սահմանապահ մանուկները (Լուսանկարներ)