Իվլիյան Խաինդրավա. Սահակաշվիլիի օրոք ողջ հասարակությունը բաժանվում էր 2 խմբի՝ «կեցցե Միշան» և «կորչի Միշան» (Տեսանյութ)
Վրաստանում տեղի ունեցող զարգացումների մասին panorama.am-ը զրուցել է Թբիլիսիի Զարգացման և համագործակցության կենտրոնի Հարավային Կովկասում ծրագրերի տնօրեն Իվլիյան Խաինդրավայի հետ:
-Ձեր կարծիքով, ի՞նչ փոփոխություններ են գրանցվել Վրաստանում Միխեիլ Սաակաշվիլիի թիմի հեռանալուց հետո:
-Առաջընթաց է գրանցվել քաղաքական բազմակարծության, ԶԼՄ-ների ազատության հարցերում: Վերջինները այժմ լիակատար ազատություն են վայելում: Հասարակության շրջանում նվազել է վախի զգացումը, որն առկա էր Սաակաշվիլի օրոք: Հասարակությունը հանգստացել է: Սաակաշվիլիի օրոք ողջ հասարակությունը բաժանվում էր 2 խմբի՝պայմանականորեն ասած «կեցցե Միշան» և «կորչի Միշան»:
Ծայրահեղականացման ցուցանիշը շատ բարձր էր: Եթե դիտարկենք հասարակական կարծիքի հարցումները, նախկինում մարդիկ 100%-ով հայտարարում էին, որ սա իրենց դուր չի գալիս, կամ սա իրենց դուր է գալիս, իսկ այժմ տիրում է ավելի հավասարակշռված մոտեցում: Վրաստանում հասարակական կլիման դարձել է ավելի կայուն, հանգիստ և ավելի խելամիտ:
Միխեիլ Սաակաշվիլիի կառավարման շրջանում ստեղծվել էր այն տպավորությունը, որ թե ՛ Վրաստանի քաղաքացիներին թե երկիր այցելող օտարերկրացիներին տրվել էր որոշակի ազատությունը: Սա կարելի էր տեսնել անգամ ճանապարհային ոստիկանության աշխատանքի օրինակով:
-Իսկ այժմ տպավորությունը այնպիսին է, որ այդ ազատությունը սահմանափակվում է: Ձեր կարծիքով, ինչպիսի՞ն է իրավիճակը այս պահի դրությամբ:
-Վրաստանում բնակվելով` այդպիսի զգացողություն չունեմ: Օրինակ, Սաակաշվիլիի օրոք հաջողություններ են գրացվել կոռուպցիայի և կազմակերպված հանցավորության դեմ պայքարում և ես չեմ տեսնում այդ ձեռքբերումներից հրաժարվելու միտում: Հիմա, ընդհակառակը, փականները ավելի են թուլացած՝ Սաակաշվիլին այդ արատների դեմ պայքարում էր խիստ, իսկ որոշ դեպքերում նաև դաժան: Այժմ դաժանություն չկա, իսկ կոշտությունը մի քիչ նվազել է և դա պարարտ հող է նախապատարստում օրինազանցության համար, քանի որ չկա դաժանորեն այդ խախտումների համար պատժվելու վախը: Դրանում իհարկե որոշ վտանգներ կան, սակայն դրանում ես միտում քաղաքական նկատառումներ չեմ տեսնում, մասնավորապես խորհդային անցյալին հետնահանջի առումով: Ես կարծում եմ, որ դրական պտուղներ տեսած ժողովուրդը չի թողնելու իշխանություններին հետ կանգնել Սաակաշվիլի՝ այդ ոլորտներում գրանցած հաջողություններից:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
