Ձեր վստահելի աղբյուրը

Հայաստանի ու Արցախի 100 թանգարան այսօր իրենց դռները բացելու են թանգարանասեր հասարակության առջև. մեկնարկում է «Թանգարանների գիշեր» համաեվրոպական միջոցառումը: Նշենք, որ «Թանգարանների գիշեր» ակցիան սովորաբար անցկացվում է մայիսի 18-ին նշվող Թանգարանների միջազգային օրվան մոտ շաբաթ օրը:

Երկու օր անցկացվող բազմաբնույթ միջոցառումները հասարակությանը հնարավորություն կտան անվճար, գիշերային գողտրիկ միջավայրում մասնակից լինելու թանգարանային անցուդարձին և նորովի բացահայտելու թանգարաններում պահվող մշակութային արժեքները:

Այսօր Երևանի քաղաքապետարանի հետ համատեղ կիրականացվի նաև հատուկ երթուղով այցելություն դեպի «Էրեբունի» պատմահնագիտական արգելոց թանգարան հետևյալ կանգառներով.
◆ Երևան քաղաքի պատմության թանգարան,
◆ Հայաստանի պատմության թանգարան, Հայաստանի ազգային պատկերասրահ, Ե. Չարենցի անվան գրականության և արվեստի թանգարան, Հայաստանի ճարտարապետության ազգային թանգարան-ինստիտուտ, Ալ. Թամանյանի թանգարան-ինստիտուտ,
◆ Խ. Աբովյանի անվան հայկական մանկավարժական համալսարանի թանգարան, Հայ Յեղափոխական դաշնակցութեան պատմութեան թանգարան,
◆ Հայաստանի բնության պետական թանգարան,
◆ «Ագուլեցի» ԱՄՍԿ հիմնադրամ:

Մայրաքաղաքի որոշ թանգարաններում Խ. Աբովյանի անվան հայկական մանկավարժական համալսարանի և Ճարտարապետության և շինարարության ազգային համալսարանի ուսանողները կամավոր սկզբունքով մինչև կեսգիշեր կաջակցեն «Թանգարանների գիշեր» միջոցառմանը` նպաստելով այցելուների առավել ներգրավմանը թանգարանային տոնին:

«Թանգարանների գիշեր» միջոցառմանը` մայիսի 17-ին Երևանի Մետրոպոլիտենը կաշխատի մինչև ժամը՝ 01:00-ն:

Ուր գնալ այսօր.

Հայաստանի ազգային պատկերասրահ
18:00. Ժան Կազանջյանի անհատական ցուցահանդես
18:00. Բրունո Բրունիի ստեղծագործությունների ցուցահանդես
(4-րդ հարկ)
18:00. Հակոբ Հակոբյանի անհատական ցուցահանդես
19:00-20:00. «Հայաստանի փոքրիկ երգիչները» երգչախմբի համերգ (գեղ. ղեկավար Տ. Հեքեքյան)
(4-րդ հարկ)
20:00-21:00. Մայր Աթոռ Սբ Էջմիածնի Գևորգյան հոգևոր ճեմարանի երգչախմբի համերգ
(4-րդ հարկ)
21:00-22:00. «Երաժշտությունն առանց հպման» տերմենվոքսի և դաշնամուրի համերգ
(4-րդ հարկ)

Հայաստանի պատմության թանգարան
18:00. «Տարագիր գերդաստաններ» ցուցահանդես
18:00. «Վանի ասեղնագործությունը» ցուցահանդես

Մատենադարան. Մ. Մաշտոցի անվան հին ձեռագրերի ինստիտուտ
18:00. Մշտական ցուցադրություն
18:00. «Մարտիրոս Սարյան. երկխոսություն հավերժի հետ» ժամանակավոր ցուցահանդես
19:00. Մատենադարանին նվիրված ֆիլմ «Վիրտուալ մատենադարան» ցուցասրահում

Ե. Չարենցի անվան գրականության և արվեստի թանգարան
11:00-24:00. «Մշակութային ճեմուղի»մշտական ցուցադրություն
17:00. «Արտբրիջ» գրախանութը թանգարանում գրքերի ցուցահանդես-վաճառք
19:00 . Հայ երգի ուսուցում կարաոկե խաղի միջոցով

«Էրեբունի» պատմահնագիտական արգելոց-թանգարան
18:00, 19:00, 20:00, 21:00, 22:00, 23:00. «Աշխարհը Բրիտանական թանգարանում» ֆիլմի դիտում
18:00. Մշտական ցուցադրություն

Ա. Խաչատրյանի տուն-թանգարան
18:00. «Մաշտոցից մինչև Խաչատրյան» Առնո-Կուռի աշխատանքների ցուցահանդես
18:30. «Դիմակներ և նոտաներ». Ա. Ցիցիկյանի անվ. երաժշտական դպրոցի սաների երաժշտաթատերական բեմականացում
19:00. Դիմակների մրցույթ-ցուցահանդես
19:00-21:00. Պարի ուսուցում
21:00. «Թանգարանային նոկտյուրն» համերգ
23:00. «Թանգարանների երկխոսություն» Հանս Քրիստիան Անդերսենի տուն-թանգարան, Դալիի թատրոն-թանգարան

Հայոց ցեղասպանության թանգարան – ինստիտուտ
11:00. Առաջին համաշխարհային պատերազմ.դաշնակիցներ, կերպարներ կոտորածներ

Հովհ. Թումանյանի թանգարան
18:00. «Ձոն Թումանյանին» Արաբկիր հայորդաց տան սաների մասնակցությամբ ցուցահանդես
18:00-24:00. «Ձոն Թումանյանին» Արաբկիր հայորդաց տան սաների մասնակցությամբ ցուցահանդես
18:00-24:00. «Ամենայն Հայոց թամադան» բաժակաճառերի մրցույթ
19:00. «Անխոս Թումանյան» թումանյանական էտյուդ-խաղեր «Այբ» թատերախմբի մասնակցությամբ
20:00-21:30. «Թանգարանը միավորում է մեզ» ծրագրի իրականացում («ՔԸԹՐ-ՔԸԹՐ քաղցր տնակ», «Տոնավաճառ-ակցիա»)` ի նպաստ սիրիահայության
21:00. «Ստվերների հինավուրց թատրոնի գաղտնիքները»
ներկայացումների շարք թումանյանական հեքիաթների մոտիվներով
21:30. «Վարդատոնի 100-ամյա հոբելյան» համերգ
(թանգարանի ներքին պարտեզ)

Հ. Կոջոյանի և Ա. Սարգսյանի տուն-թանգարան
18:00. Համերգային ծրագիր
18:00. «Եկեղեցին և մշակույթը» բանախոսություն
19:00. Երիտասարդների օրհնության արարողակարգ

Ժամանակակից արվեստի թանգարան
11:00. «Գիլիերմո Ռոժաս» մշակույթ, հասարակություն, քաղաքականություն
11:00. «Արարատ» նախագիծ Իրիզ Մոռենո Առանգուռեն
11:00. «Եվրոպայի սկիզբը` Հայաստան» Կոստանց Մյուլեր

Ալ. Սպենդիարյանի տուն-թանգարան
19:00-22:00. «Մշակութային իրարանցում թանգարանի պուրակում». Համերգ մայրաքաղաքի երաժշտական և արվեստի դպրոցների սաների մասնակցությամբ, Նկարում ենք բոլորս, Կակաո` Սպենդիարյանի բաղադրատոմսով
22:00. Հրավառություն թանգարանի պուրակում
22:00-24:00 . «Մի ցուցանմուշի պատմություն

Եր. Քոչարի թանգարան
19:00-23:00. «Քոչարի 10 արևելուհիները» ցուցահանդես
19:00-23:00. «Փարիզի Պոմպիդու կենտրոնի ցուցահանդեսի արձագանքը Եր. Քոչարի թանգարանում» ֆիլմի դիտում
19:00-23:00. Մ. Դյուշան «Anemic Cinema» և Ման Ռեյի «Emak Bakia» /1926 թ./ ֆիլմերի դիտում
18:00-23:00. «Քոչարյան մոտիվներով» նոր հուշանվերների ցուցահանդես
20:00-22:00. Խաղարկային մրցույթների անցկացում

Ռուսական արվեստի թանգարան
12:00. Ն. Րերիխի, Զ. Սերեբրյակավայի, Ն. Կրիմովի, Ս. Առաքելյանի և Ս. Ավետովի հոբելյաններին նվիրված ֆիլմի դիտում
15:00 Ն.Րերիխի, Զ. Սերեբրյակավայի, Ն. Կրիմովի, Ս. Առաքելյանի և Ս. Ավետովի հոբելյաններին նվիրված դասախոսություն

Ե. Չարենցի տուն-թանգարան
13:00, 17:00. «Նժդեհ» վավերագրական ֆիլմի դիտում
19:00 . Գրական-երաժշտական երեկո
21:00 . Կոմիտասի անվան քառյակի համերգ
22:00. Համաշխարհային ճանաչված արիաներ

Նշենք, որ ինչպես մայրաքաղաքի, այնպես էլ մարզային թանգարանների միջոցառումների ժամանակացույցին կարելի է ծանոթանալ այստեղ: