Ձեր վստահելի աղբյուրը

Այսօր Ազգային ժողովի քառօրյա նիստի մեկնարկին քվեարկությամբ ընդունվեցին մի շարք օրենսդրական նախաձեռնություններ, որոնք քննարկվել էին նախորդ շաբաթ կայացած ԱԺ արտահերթ նիստում: Քվեարկվեց և վերջնականապես ընդունվեցին ՀՀ քննչական կոմիտեի մասին օրենքի և մի շարք հարակից օրենքներում փոփոխությունենր կատարելու մասին նախագծերը, որին կողմ քվեարկեցին 88 պատգամավորներ, դեմ էին 32-ը և մեկն էլ ձեռնպահ էր:

Այս օրինագծի ընդունումը երկար ճանապարհ անցավ. դեռևս նախորդ տարի նախագահ Սերժ Սարգսյանը կարգադրություն էր ստորագրել միասնական քննչական մարմնի կազմավորման իրավական ապահովման հանձնաժողով ստեղծելու մասին: Աղվան Հովսեփյանը նշանակվել էր Միասնական քննչական մարմնի կազմավորման իրավական ապահովման հանձնաժողովի նախագահ (համաձայնությամբ): Ըստ որոշ տեղեկությունների, Քննչական կոմիտեի ղեկավար է նշանակվելու հենց նախկին գլխավոր դատախազ Աղվան Հովսեփյանը:

Նոր ստեղծվելիք քննչական կոմիտեն իր կազմում միավորելու է Հայաստանում գոյություն ունեցող քննչական 5 ծառայություններից ընդամենը երկուսին` ոստիկանության և պաշտպանության նախարարության քննչական ծառայություններին:

Քննչական կոմիտեի նախագահին կնշանակի ՀՀ նախագահը` վարչապետի ներկայացմամբ, վեց տարի ժամկետով: Նույն անձը չի կարող երկու անգամ անընդմեջ նշանակվել այդ պաշտոնում:

Թեմային առնչվող հրապարակումներ`

Ինչո՞ւ են 5-ի փոխարեն 2 քննչական մարմիններ միավորվում քննչական կոմիտեում. Քննարկում ԱԺ-ում

Քննչական կոմիտեի ղեկավարին կներկայացնի վարչապետը

 Նոր ստեղծվելիք Քննչական կոմիտեի կազմում օմբուդսմեն կաշխատի

Ովքեր են աշխատելու նորաստեղծ Քննչական կոմիտեում և ինչպես են վարձատրվելու

Հանրությանն է ներկայացվել «Միասնական քննչական կոմիտեի» մասին օրենքի նախագիծը

Միասնական քննչական մարմին` առանց ՊԵԿ քննչական ծառայության (տեսանյութ

Վաղ, թե ուշ բոլոր քննչական ծառայությունները կլինեն մեկ մարմնի կազմում. Գևորգ Դանիելյան (տեսանյութ)

  Հիմնական պատճառը գերատեսչական անկախությունն էր, որ միասնական քննչական մարմին է ստեղծվում. Ղազինյան (տեսանյութ)

  Նոր ստեղծվելիք քննչական կոմիտեի ծառայողը պետք է ունենա արտաքին և ներքին անկախություն. Արթուր Ղամբարյան (տեսանյութ)