Ստեփան Դեմիրճյան. Առաջին հերթին մեծահարուստների շահերը սպասարկող կառավարություն է
«Մենք չենք կարող կողմ լինել կառավարության ներկայացրած ծրագրին, քանի որ բացի նրանից, որ կոնկրետությունը քիչ է և շատ լուրջ վերապահումներ ունենք կապված կառավարության կազմի հետ, ակնհայտ է, որ երկրում առկա արատավոր համակարգի պայմաններում, կառավարությունը նույնիսկ ամենամեծ ցանկության դեպքում չի կարող իրականացնել երկրի համար անհրաժեշտ փոփոխություններ»,- ԱԺ-ում ունեցած ելույթում ասաց ԱԺ ՀԱԿ խմբակցության անդամ Ստեփան Դեմիրճյանը:
Նրա խոսքով, կառավարության ծրագրում նշված է հավասար հնարավորությունների, իրական մրցակացության ապահովման անհրաժեշտության մասին, դրանով իսկ փաստելով, որ մեր երկրում նման տնտեսական միջավայր չկա:
«Փաստ է, որ գործող կառավարության որոշ կարկառուն դեմքեր ակտիվ մասնակցություն են ունեցել այսօրվա արատավոր համակարգի ձևավորման գործում, երբ իշխանությունը սերտաճել է բիզնեսի հետ, պաշտոնական դիրքը օգտագործվում է սեփական բիզնես շահերը սպասարկելու համար»,- ասաց ընդդիմադիր պատգամավորը:
Խոսելով կառավարության ծրագրում կոռուպցիայի դեմ պայքարի ուղղությամբ նախատեսված քայլերի մասին՝ կոնկրետ կոռուպցիայի դեմ պայքարի հայեցակարգին համապատասխան ռազմավարության մշակման մասին, Ս. Դեմիրճյանը նշեց, որ Հայաստանում հայեցակարգերի, ռազմավարության պակաս չի եղել, բայց կոռուպցիան անշեղորեն աճել է:
Ըստ նրա, կառավարության ծրագրում շատ են դեկլարատիվ, գեղեցիկ ձևակերպումները, չկան կոնկրետ ցուցանիշներ, ինչը դժվարացնելու է հետագայում որևէ գնահատակ տալը:
«Այս կառավարությունն ավելի զգուշավոր է»,- ասաց ՀԱԿ խմբակցության անդամ Ստեփան Դեմիրճյանը:
Ըստ նրա, սա այն կառավարությունը չէ, որ կարող է իրական պայքար ծավալել համատարած կոռուպցիայի, թալանի դեմ, մարդկանց մեջ վերականգնել հավատը պետության և վաղվա օրվա նկատմամբ: Սա է մեր երկրի համար առաջնային խնդիրը: Իսկ այս կառավարությունն առաջին հերթին մեծահարուստների շահերը սպասարկող կառավարություն է»,- իր ելույթը եզրափակեց Ստեփան Դեմիրճյանը:
Նախորդող հրապարակումներ`
Կառավարության ծրագիրը Բադեյանին վստահություն ներշնչում է, Պողոսյանին` հակառակը
Բառակազմով տարբերվում են, բայց բովանդակությամբ նույնն են
Կառավարության ծրագիրը իրատեսական է, խստապահանջ և ականջալուր. Վարչապետ
Իրանի հետ հարաբերությունները խորացնելու հարցում լուրջ եմ տրամադրված. Վարչապետ (տեսանյութ)
Վարչապետ. Թուրքիայի կողմից հայ-թուրքական արձանագրությունները չվավերացվելու դեպքում նախագահը որոշում կկայացնի
Էդ օֆշորը կա՞ր, թե՞ չկար. Աբրահամյանը` նախկին վարչապետի անվան հետ կապվող օֆշորային սկանդալի մասին (տեսանյութ)
Վարչապետի ելույթն Ազգային ժողովում