Հրանտ Մելիք-Շահնազարյան. Ուորլիքի հայտարարությունը ավելի խճճեց ղարաբաղյան գործընթացը

Քաղաքական 11:46 22/05/2014

Հրանտ Մելիք-Շահնազարյան. Ուորլիքի հայտարարությունը ավելի խճճեց ղարաբաղյան գործընթացը

«Ջեյմս Ուորլիքի առաջարկներին միանգամից դրական արձագանքեց Ադրբեջանի ԱԳՆ-ը, իսկ հայկական կողմերը հայտնեցին իրենց զուսպ անհամաձայնությունը»,-այսօր լրագրողների հետ զրույցում անդրադառնալով ղարաբաղյան բանակցային գործընթացի շուրջ վերջին զարգացումներին ասաց Հրանտ Մելիք-Շահնազարյանը:

Նա նշեց, որ Մինսկի խումը այժմ ԼՂՀ-ն դիտարկում է ոչ թե որպես մեկ միավոր, այլ որպես երեք միավորում:

«Մինսկի խմբի համանախագահները տարածաշրջանային իրենց վերջին այցից հետո հայտարարեցին, որ իրենք այցելեցին Արցախ, այցելին Լաչին և Քարվաճառ: Արցախը հստակ իր դիրքորոշումը հայտնեց Մինսկի խմբի այս դիրքորոշմանը նշելով, որ տարածքային զիջումներ Արցախի կողմից չի լինելու»,-նշեց Հ.Մելիք-Շահնազարյանը:

Հ.Մելիք-Շահնազարյանը նշեց, որ Ջեյմս Ուորլիքի էքպերիմենտները և հայտարարությունները ավելի բարդացրեցին ղարաբաղյան բանակցային գործընթացը և այժմ իրավիճակը ավելի խճճված է, քան կազանյան հանդիպումից հետո:

«Մինսկի խմբի համանախագահողների տարբեր դիրքորոշումները պայմանավորված են Արևմուտք-Ռուսաստան հակամարտության հետ՝ կապված ուկրաինական ճգնաժամի հետ»,-նշեց քաղաքագետը:

Ըստ նրա, ԱՄՆ-ը ցանկանում է խաղաղապահ զորքեր ներգրավել տարածաշրջան՝ Արցախ և Ուորլիքի հայտարարությունը միտված էր այդ գործընթացը արագացնելուn:

«Մինսկի խմբի երկրները տարբեր տեսակի ճնշումներ են գործադրելու ղարաբաղյան հակամարտության կողմերի վրա՝ իրենց շահերից ելնելով»,-նշեց Հ.Մելիք-Շահնազարյանը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: