Սիրիայի բանակը գրավել է Հալեպի բանտը
Սիրիայի կառավարական զորքերը «Ալ-Կաիդայի» գրոհայինների հետ թեժ մարտերից հետո գրավել են Հալեպի բանտը: Այն շուրջ մեկ տարի շրջափակել էին իսլամիստները: Այս մասին հայտնում է Reuters գործակալությունը:
Լոնդոնում տեղակայված մարդու իրավունքների մոնիթորինգի սիրիական կենտրոնի փոխանցմամբ, Բաշար Ասադի ուժերը բանտ են մտել ծանր հրետանու ուղեկցությամբ: Լսվել են փոխհրաձգության ձայներ:
Ասադի ուժերն ավելի վաղ գրավել էին բանտից ոչ հեռու գտնվող Հաիլան քաղաքը, որը տեղակայված է Հալեպ քաղաքից 5 մղոն հյուսիս:
Նշենք, որ ընդհանուր առմամբ բանտում պահվում է ավելի քան 3000 բանտարկյալ: