Ձեր վստահելի աղբյուրը

Այսօր Orange-ը հանդես է եկել մի նոր ծառայությամբ, որն ընձեռում է արտերկրից Orange-ի բաժանորդների բջջային հեռախոսի հաշիվները լիցքավորելու հնարավորություն: Աշխարհի բոլոր խոշոր երկրներում բնակվող հայերն, անկախ նրանից, թե որ օպերատորի բաժանորդ են, այսուհետ կարող են լիցքավորել Օրանժ Արմենիայի բաժանորդ հանդիսացող իրենց մտերիմների բջջային հեռախոսի հաշիվները՝ հատուկ այդ նպատակով ստեղծված https://topup.orange.com/ կայքի միջոցով: Այս մասին տեղեկացնում է Օրանժ Արմենիայի մամուլի ծառայությունը:

Իրենց մտերիմների բջջային հաշիվները լիցքավորելու համար՝ կայքի օգտատերերն ընդամենը պետք է մուտքագրեն այն Orange հեռախոսահամարը, որը ցանկանում են լիցքավորել, ընտրեն հմապատասխան գումարը և կրեդիտ քարտի միջոցով կատարեն վճարում: Մի շարք երկրներում բջջային հեռախոսի հաշիվը կարելի է լիցքավորել նաև SMS-ի և USSD հրահանգի միջոցով կամ հատուկ վաճառքի կետերում:

«Շատ ուրախ ենք այսօր ներկայացնել հաշվի վերալիցքավորման այս նոր լուծումը: Այժմ մեր բաժանորդների ընկերներն ու ընտանիքի անդամներն, ովքեր ապրում են արտերկրում, կարող են լիցքավորել Հայաստանում բնակվող իրենց մտերիմների բջջային հեռախոսի հաշիվները: Ծառայությունն արդեն գործում է աշխարհի այն խոշոր երկրներում, որտեղ հիմնականում կենտրոնացված է հայկական համայնքը, ինչպես ԱՄՆ-ն, Ֆրանսիան, Գերմանիան, Բելգիան և այլ երկրներ: Orange Խմբի ջանքերով ստեղծված այս լուծումը ներկայացնելով՝ նպատակ ունենք օգնել Հայաստանի քաղաքացիներին կապի մեջ լինել արտերկրում բնակվող իրենց մտերիմների հետ», - ասել է Օրանժ Արմենիայի գլխավոր տնօրեն Ֆրանսիս Ժելիբտերը:

Հաշվի վերալիցքավորման համար ստեղծված հատուկ https://topup.orange.com/ կայքն արդեն իսկ հասանելի է բոլոր երկրներում. վերալիցքավորումը հնարավոր է 39 երկրներում տրված կրեդիտ քարտերի միջոցով: ԱՄՆ-ում, Ֆրանսիայում, Միացյալ Թագավորությունում, Նիդեռլանդներում, Իսպանիայում, Իտալիայում, Գերմանիայում և Պորտուգալիայում հաշվի վերալիցքավորումը հնարավոր կլինի նաև SMS-ի և USSD հրահանգի միջոցով: SMS և USSD համարները կտրամադրվեն տեղական օպերատորների կողմից:

Orange-ի վերալիցքավորման ծառայությունը շուտով հասանելի կլինի նաև Ռուսաստանում, մինչ այդ՝ Ռուսաստանի բնակիչներն արդեն իսկ ունեն Հայաստանում բնակվող և Orange-ի բաժանորդ հանդիսացող իրենց մտերիմների բջջային հեռախոսի հաշիվները QIWI և Intercoopbank-ի վճարային տերմինալների միջոցով լիցքավորելու նմանատիպ հնարավորություն:

Orange-ի վերալիցքավորման ծառայության լրացուցիչ մանրամասներին կարելի է ծանոթանալ հետևյալ հղումով՝ http://orangearmenia.am/help_centre/balance-recharging/index.php :