Ձեր վստահելի աղբյուրը

Դատական իշխանության նկատմամբ անվստահության առկայությունը պայմանավորել միայն դատավորների վատ աշխատանքով, սխալ է, որովհետև շատ դեպքերում ամենահիմնավոր, արդարացի դատավճիռների դեմ ինչպիսի արշավ է սկսվում, եթե ինչ-որ մեկին դա ուղղակի ձեռք չի տալիս: Այդ մասին այսօր Սահամանդրական բարեփոխումների հայեցակարգի նախագծի քննարկման ժամանակ հայտարարեց Սահմանդրական բարեփոխումների մասնագիտական հանձնաժողովի անդամ, ԵՊՀ իրավագիտության ֆակուլտետի դեկան Գագիկ Ղազինյանը:

Ավելին, նրա խոսքով, իմանալով, որ դատարանի վերջնական որոշումն օբյեկտիվ է, հիմնավոր է, դարձյալ սկսում են բողոքել ու հասարակության շրջանում դատարանների նկատմամբ անվստահության մթնոլորտ ձևավորել:

Դատական իշխանության արդյունավետությունն ապահովելու համար, ըստ Ղազինյանի, կարևորագույն դեր պետք է ունենա Արդարադատության խորհուրդը (ԱԽ), որն էլ իր հերթին պետք է լինի անկախ` դատական իշխանության անկախությունը ապահովելու համար:

«Անկախ պետք է իշխանության մյուս ճյուղերից, ինչպես նաև ունենա ներքին անկախություն, որպեսզի կարողանա ապահովել դատական իշխանության անկախությունը»,-հայտարարեց Ղազինյանը` նկատելով, որ ներկայիս Արդարադատության խորհրդի նման ձևավորումը կարծես լավ չի աշխատում:

Ներկայումս Արդարադատության խորհուրդը կազմված է 9 դատավորներից և 4 իրավաբան գիտնականներից: Ի դեպ, Ղազինյանը ԱԽ անդամ է:

«Անկախ նրանից, դատավորն ինչքան էլ փորձի լինել չեզոք, լինել առաջին հերթին քաղաքացի և այլն, գործող դատավորը երբեք չի կարող վեր կանգնել իր ընկերային կաշկանդավծությունից մյուս գործընկերների նկատմամբ», -հայտարարեց Ղազինյանը:

Նրա խոսքով, ԱԽ կազմում գործող դատավորները կամ պետք է կասեցնեն իրենց զուգահեռ դատավորական կարգավիճակը կամ էլ ԱԽ կազմում պետք է ներգրավվեն այլ սուբյեկտներ, մանսավորապս, թոշակի անցած փորձառու և որակյալ դատավորներ: Այս առումով Սահմանադրական բարեփոխումների մասնագիտական հանձնաժողովի անդամների ու դատարանների նախագահների խորհդի, Արդարադատության խորհրդի հետ քննարկումներ ծավալվում են, ինչի արդյունքում կձևավոչվի միասնական առաջարկ:

Հարակից հրապարակումներ`

Կալանքի վերաբերյալ միջնորդությունների 95%-ը դատարանները բավարարում են օբյեկտիվ պատճառներով. Գագիկ Ղազինյան

Կառավարությունը, ՀՀ նախագահը, ՏԻՄ-երը ոչ մի անգամ օրենքի սահմանադրականության հարցով չեն դիմել ՍԴ