Ձեր վստահելի աղբյուրը

Մոսկվա կատարած աշխատանքային այցի շրջանակում ՀՀ առողջապահության նախարար Արմեն Մուրադյանը երեկ այցելել է Մոսկվայի պետական համալսարանի բժշկական կենտրոն, որը հագեցած է բուժական, վիրահատական և ուսումնական ամենավերջին սերնդի սարքավորումներով ու պարագաներով։  Այս մասին տեղեկացնում է ԱՆ մամուլի ծառայությունը:

Կլինիկայի ղեկավար Արամայիս Քամալովն Արմեն Մուրադյանին ներկայացրել է նաև ուսումնական բաժնի, բուժական ֆակուլտետի գործունեությանը:

Ըստ աղբյոիրի, հատկապես տպավորիչ է եղել ուսումնական վիրահատություններ կատարող ռոբոտ «Դա Վինչին», որ դեռևս հազվադեպ է կիրառվում նույնիսկ Եվրոպայում:

Կողմերը բանակցել են երկկողմ համագործակցության հնարավորությունների շուրջ։ Նախնական պայմանավորվածություն ձեռք է բերվել կրթության և վերապատրաստման նպատակով հայ մասնագետների, ուսանողների այցելությունների շուրջ:

Նույն օրը ՀՀ առողջապահության նախարարը հանդիպել է Ռուսաստանի Դաշնության սպառողների իրավունքների պաշտպանության ոլորտում հսկողություն իրականացնող դաշնային ծառայության (Ռոսպոտրեբնադզոր) ղեկավար Աննա Պոպովայի հետ:

ՌԴ կառավարության առընթեր գործող այդ մարմնի գործառույթներին նախարարը ծանոթացել էտեղում: Պայմանավորվածություն է ձեռք բեվել ընդլայնել համագործակցությունը փորձի փոխանակման և իմունականխարգելման ոլորտում: