Ձեր վստահելի աղբյուրը

«Քաղաքակրթորեն գնում ենք դեպի ավելի մեծ փոսը»,- Եվրասիական տնտեսական միությանը Հայաստանի անդամակցության շուրջ զարգացումներին նման բնորոշում է տալիս «Բաց հասարակության հիմնադրամներ-Հայաստանի» գործադիր տնօրեն Լարիսա Մինասյանը:

«Աշխարհը սեպտեմբերի 3-ից հետո ահագին բան մեզ հասկացրեց, մենք հնարավորություն ունեցանք փորձով ձեռքբերել, որ անվտանգության երաշխիքը ժողովրդավարությունն է, կայուն ինստիտուտներն են: Սեպտեմբերի 3-ը եկավ և ցույց տվեց, որ դրա բացակայության պատճառն էր, որ մենք կատարեցինք այդ աշխարհաքաղաքական քայլը»,- «Հայաստանի գոյության մարտահրավերները՝ Եվրասիական միության նոր զարգացումների ներքո» թեմայով քննարկման ժամանակ ասաց նա:

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն էլ կարծիք հայտնեց, որ Աստանայում Նազարբաևի արած հայտարարությունը Պուտինի վերաբերմունքն էր:

«Եթե Պուտինը նման հայտարարություն աներ, իրեն խոցելի վիճակի մեջ կդներ՝  հաշվի առնելով Մինսկի խմբի գործընթացը»,- ասաց նա:

Արթուր Սաքունցի բնորոշմամբ, Ռուսաստանը վտանգավոր գործունեություն է ծավալում. «Հանդիսանալով ԵԱՀԿ Մինսկի խմբի անդամ երկիր, Ռուսաստանը խաթարում է այն սկզբունքները, որ որդեգրել է կառույցը»:

Միևնույն ժամանական նա նկատեց, որ Ղազախստանում քաղաքացիական հասարակությունը հավաքվել է. ««մայդան»-ն իրենց մտածողության մեջ էլ կա»:

Արթուր Սաքունցը կարևորեց այդ վտանգավոր գործառույթների մասին ամբողջ Հայաստանում ահազանգելը. «Մեր հոգեբանությունն այնքան է աղճատվել, որ Միկոյանի արձանի տեղադրումն է դառնում հնարավոր: Սա ազատ մտածողության սահմանափակում է»:

Հարակից հրապարակումներ`

Ճնշում Ադրբեջանի վրա՝ ԵՏՄ մտնելու համար, ի՞նչ գին կվճարվի դրա դիմաց. կարծիքներ