Ձեր վստահելի աղբյուրը

Անաստաս Միկոյանի արձանն արդեն մեկ ամսից ամբողջությամբ պատրաստ կլինի տեղադրման համար: Այս մասին լրագրողների հետ ճեպազրույցում ասաց Երևանի գլխավոր ճարտարապետ Տիգրան Բարսեղյանը: Նա նշեց, որ արձանը տեղադրվելու է Մոսկովյան ճեմուղում, բայց դեռևս հստակ ժամկետ չկա: 

«Արձանը վերցված է Անաստաս Միկոյանի գերեզմանոցի հուշարձանից: Բայց իր կեցվածքով, ամբիոնում կանգնած ճառ արտահայտվելու պահին նրան պատկերումը բոլորովին հարիր չէ գերեզմանոցի քանդակին: Նորմալ կարող է ընկալվել ցանկացած հանրային միջավայրում»,- ասաց Տ. Բարսեղյանը:

Գլխավոր ճարտարապետի խոսքով, գերեզմանոցի հուշարձանի կրկնօրինակից կա նաև Սանահինում՝ Միկոյանի ծննդավայրում, սակայն հարազատների հորդորով Երևանի քաղաքապետարանը որոշել է հուշարձան ունենալ նաև մայրաքաղաքում, քանի որ ոչ բոլորն են կարողանում գնալ Սանահին ու տեսնել հուշարձանը:

«Անաստաս Միկոյանը հզոր, մեծամասշտաբ, խոհեմ ու հավասարակշռված քաղաքական ու հասարակական գործիչ է եղել»,- նշեց Տիգրան Բարսեղյանը:

Նախորդող հրապարակումներ՝

Հովհաննես Մանուկյան. Սխալ եմ համարում պատմական կերպարներին դատել

Ամենուր մահարձաններ են, մայրաքաղաքը դարձել է Թոխմախի ֆիլիալ. Քանդակագործ

Միկոյանի արձանի տեղադրումը ամենակարևոր խնդիրը չէ այսօր. Ն. Սարգսյան

«Բարև Երևան» խմբակցության հայտարարությունը` Անաստատ Միկոյանի արձանի տեղադրման վերաբերյալ

Միկոյանի արձանի ձեռքերը պետք է ամեն օր կարմիր գույնով ներկել. Բուռն քննարկում (տեսանյութ)

Միկոյանի արձանը չարժե որ այդքան պստլիկ լինի. Գրականագետ Արտեմ Հարությունյան (Տեսանյութ)