Ձեր վստահելի աղբյուրը

«Եթե ամեն ինչ պարզ էր, խոշոր առումով կարելի էր և չմասնակցել Եվրասիական տնտեսական միության այդ նիստին»,- կարծում է ԲՀԿ անդամ, տնտեսագետ Վարդան Բոստանջյանը:

Այսօր լրագրողների հետ հանդիպմանը նա նշեց, որ պարզ կատեգորիաների վրա մոտեցում, քաղաքականություն կառուցելը ճիշտ չէ, հատկապես, որ երկրի մարդիկ ինչ-որ բանի են սպասում:

Անդրադառնալով Ղազախստանի նախագահ Նազարբաևի կողմից Իլհամ Ալիևի նամակի հնչեցմանը` Վարդան Բոստանջյանն ասաց. «Առաջացրեց ընդգծված զզվանք հայ ժողովրդի մոտ: Ես առաջարկում եմ հայհոյանքներ չուղղել բարձրաձայնողի ուղղությամբ, բայց հասկանում եմ նաև, որ մեր բոլորի համար դա վիրավորական էր: Ու չասվեր` ամեն ինչ պարզ է: Ի՞նչն է պարզ»:

Վարդան Բոստանջյանը կարծում է, որ ՀՀ նախագահը պետք է պատասխաներ Նազարբաևին, թեկուզ կես խոսքով:

Ինչ վերաբերում է ստեղծվելիք միությանն անդամագրվելուն, ապա տնտեսագետը դրա կողմնակիցներից է և նշում է, որ դրանից հետո կարող է աշխատատեղերն ու ներդրումներն ավելանան:

«Մյուս կողմից էլ Հայաստանի շահը ստորադասվում է,- նկատում է նա և հավելում,- ստորադասվելով այն կարող է զրոյացվել»:

Մանրամասն` Panorama.am-ի տեսանյութում:

Հարակից նյութեր`

Աստանայում մենք ականատես եղանք «վթարի». Ռ. Մեհրաբյան (տեսանյութ)

Ճնշում Ադրբեջանի վրա՝ ԵՏՄ մտնելու համար, ի՞նչ գին կվճարվի դրա դիմաց. կարծիքներ