Ձեր վստահելի աղբյուրը

«Քառյակի ասածը վերջին ճշմարտությունը չի: Իրականությունն այլ է»,- Ազգային Ժողովում լրագրողների հետ ճեպազրույցում ասաց ԱԺ փոխխոսնակ Էդուարդ Շարմազանովը` արձագանքելով այն հարցին, թե արդյոք քառյակի կողմից նախանշված ժամկետներում` մինչև սեպտեմբերի 30-ը,  հնարավո՞ր է վարչապետը փոխվի, քանի որ քառյակը պնդում է, որ հենց իրենց համատեղ գործունեության արդյունքում Տիգրան Սարգսյանը հրաժարականի դիմում ներկայացրեց: 

«Իսկ ո՞վ ասաց, որ պահանջների արդյունքում վարչապետը փոխվեց: Հարգարժան նախկին վարչապետի դիմումը հարգել ենք ու փոխել ենք վարչապետին»,- նշեց նա:

Ինչ վերաբերում է ներկայացված 12 կետերին ԱԺ ՀՀԿ-ական փոխխոսնակը նշեց, որ իշխանության օրակարգն ավելի լայն է: Քառյակի ներկայացրած կետերում չկան ռադիկալ կոչեր, ինչը կառուցողական մոտեցում է:

«Բայց այս կետերում,- նշեց Է.Շարմազանովը,- ամբողջական օրակարգն էլ ներառված չէր: Մի բանում են իշխանությունն ու ընդդիմությունը միասնական` Լեռնային Ղարաբաղի հարցում»;

«Իշխանություն, ընդդիմություն թե այլընտրանք, հասարակական և քաղաքացիական նախաձեռնություններ ` Լեռնային Ղարաբաղի և Հայաստանի ինքնիշխանության հարցում բոլորս միասնական ենք: Իսկ մնացած կետերի վերաբերյալ իշխանությունն ու կառավարությունը իրենց կարծիքը հայտնել են, օրինակ կուտակայինի հետ կապված կամ 100 տոկոս համամասնականի»,- հավելեց ԱԺ փոխխոսնակը` ավելացնելով, որ դա, սակայն, չի էլ նշանակում, որ չի կարելի նստել ու երկխոսել այդ հարցերի շուրջ:

Միևնույն ժամանակ Է.Շարմազանոը նշեց, որ այս կետերի մեջ քառյակը մոռացել է կամ դեռ չի հասցրել հստակեցնել օրվա ամենակարևոր օրակարգային հարցը` համակարգային փոփոխությունները, որոնք առանց Սահմանադրական բարեփոխումների հնարավոր չեն:

Նախորդող հրապարակում`

Վ.Բաղդասարյանը` քառյակին. Մեզ հետ ուլտիմատումներով պետք չի խոսել

Ինչո՞ւ քառյակի կետերում չկա իշխանափոխության խնդիր

Արցախ, «Նաիրիտ», տնտեսության զարգացում, մենաշնորհների վերացում...Քառյակը հրապարակեց պահանջները