Ձեր վստահելի աղբյուրը

Ծրագրված տնտեսական աճը` 6.2 տոկոս, որին հասնելու խնդիր էր իր առջև դրել նախորդ կառավարությունը, չստացվեց և փաստացի եղավ 3,6 տոկոս տնտեսական աճ: Այդ մասին այսօր 2013 թվականի կառավարության ծրագրի քննարկման ժամանակ իր ելույթում հայտարարեց Արծվիկ Մինասյանն ու եզրակացրեց. «Իրականացվել է բացահայտ հակաաճին ուղղված քաղաքականություն»:

Նա հիշեց պաշտոնյաների հայտարարությունները, թե բյուջեն կատարվել է, բայց հարց է առաջանում` դրանից քաղաքացու վիճակը լավացե՞լ է, մարդը չի՞ մտածում արտագաղթի մասին:

Պատգամավորի խոսքով, անհրաժեշտ է երկրում դրամական նոր բարեփոխում իրականացնել:

«Սա կարող է առաջին հայացքից արկածախնդիր մոտեցում թվալ, բայց այդպես չէ: Բոլոր տնտեսագիտական հաշվարկները ցույց են տալիս, որ ներկա դրամական համակարգը այլևս ի վիճակի չէ ապահովել, սպասարկել Հայաստանի տնտեսությունը դեպի կայուն հարթություն: Ռեֆորմ, որը թույլ կտա թուլացնելով դրամը, հեշտացնել տնտեսվարող սուբյեկտների արտահանման հնարավորությունը` միաժամանակ չազդելով քաղաքացիների գնողունակության մակարդակի վրա», -իր առաջարկը ներկայացրեց ընդդիմադիր պատգամավորը` ընդգծելով, որ Հայաստանի տնտեսությունն այս իրավիճակում առաջ շարժվել չի կարող:

Նախորդ կառավարության բյուջեի կատարողականին Հ. Յ. Դաշնակցությունը, նրա խոսքով, դեմ է քվեարկելու: 

Հարակից հրապարակումներ`

Մի կողմ դրե՛ք քաղաքական նարցիսիզմը. Հակոբյանը` իշխանություններին (տեսանյութ)

Աշնանը կռիվ է լինելու. Հ. Բագրատյան (տեսանյութ)

Տիգրան Սարգսյանի կառավարությունը վեց տարի զբաղվել է տնտեսական հանիբալիզմով. Զոհրաբյան (Տեսանյութ)

Ն. Փաշինյանի թոփ-տասնյակը` ինչպիսի՞ն էր Տիգրան Սարգսյանի կառավարությունը (Տեսանյութ)