Ձեր վստահելի աղբյուրը

«Ճակատագրի հեգնանքով Օբամայի վարչակազմը կրճատել է ժողովրդավարության առաջխաղացման ֆինանսավորումը, միևնույն ժամանակ տարբեր գործարքների մեջ մտնելով այնպիսի ավտորիտար ռեժիմների հետ, ինչպիսիք են Ադրբեջանի իշխանությունները»,- նշված է Մայքլ Վեյսի` ամերիկյան Foreign Policy պարբերականում հրապարակված հոդվածում:

2012 թ. հոկտեմբերին Ադրբեջանի պետական նավթային ընկերությունը Վաշինգտոնում գնել է 5 հարկանի շենք «իր գործունեությունը ԱՄՆ –ում ընդլայնելու նպատակով»: Շենքի արժեքը կազմել է $12 դոլար: Ժամանակին այդ շենքը վարձակալել էր «Freedom House» իրավապաշտպան կազմակերպությունը, որը Ադրբեջանին դասում է «անազատ երկրների» թվին:

«Ես խոսքեր չունեմ»,-այդ առիթով ասել է «Freedom House»-ի գործադիր տնօրեն Ջենիֆեր Վինձորը:

Ըստ նրա, հեգնական է, որ աշխարհի ամենից ոչ ժողովրդավարական երկրներից մեկը զբաղեցրել է այն տունը, որտեղ ժամանակին գտնվում էր իրավապաշտպան կազմակերպությունը:

Նշվում է, որ Ադրբեջանը ծախսում է միլիոնավոր դոլարներ այսպես կոչված «խավիարային դիվանագիտության» վրա, առաջ տանելով ադրբեջանամետ հոդվածները ամերիկյան մամուլում, կազմակերպելով բրիտանացի պատգամավորների և այլ պաշտոնավոր անձանց այցերը Բաքու և ընկերներ ձեռք բերելով Եվրոպայի խորհրդի խորհրդարանական վեհաժողովում:

«Ամերիկայի ադրբեջանցիները հանուն ժողովրադավարության» կազմակերպության ղեկավար Էլմար Շախտախտինսկին կարծում է, որ լոբբինգի նպատակն է հանդիսանում ուղերձ հղեl Ադրբեջան այն մասին, որ ոչ ոք չի կարող պաշտոնանկ անել իշխող ռեժիմը:

ԱՄՆ Պետդեպարտամենտի 2013 թ. զեկույցում ասվում էր, որ Ադրբեջանում գրանցվել էին մարդու իրավունքների և ազատությունների սահմանափակումներ, ձերբակալություններ, լրագրողների և ակտիվիստների նկատմամբ բռնության կիրառման դեպքեր, գրում է պարբերականը:

Ինչպես նշում է նախկին ամերիկացի դիվանագետ և իրավապաշտպան Ռեբեկա Վինսենտը, իշխանությունները ստեղծել են Ադրբեջանում վախի մթնոլորտ, իսկ քաղբանտարկյալների թիվը 2013 թ. հունվարին արդեն կազմում էր 100 մարդ: Ըստ հոդվածի, Խաղաղության և ժողովրդավարության ադրբեջանական ինստիտուտը այժմ արդեն հայտնում է 130 քաղբանտարկյալների մասին: Ինչպես նշում է Վեյսը, Ադրբեջանի իշխող ռեժիմի քննադատների ձերբակալությունը և հետապնդումները դարձել են արդեն «ազգային զվարճանքի տեսակ»:

Նյութում նշվում է, որ «Transparency International» կազմակերպությունը 2013 թ. կոռուպցիայի մակարդակով Ադրբեջանին տվել է 127-րդ տեղը 177-ից: Ռեբեկա Վինսենտը նշում է, որ օտարերկրյա ներդրողները պետք է իմանան, որ երկրում կա օրենքի գերակայության պակաս: «Եթե դուք Ադրբեջանում դիմեք դատարան, ապա չպետք է սպասեք, որ անպայման արդարացի վճիռ է կայացվելու»,-նշել է նա:

Օտարերկրյա գործակալների գրանցման մասին օրենքը (FARA), որը ընդունվել էր 1938 թ. պարտավորեցնում է ցանկացած ընկերության, որը գործում է ԱՄՆ-ում, տեղեկացնել այլ երկրներից եկող եկամուտների մասին: ԱՄՆ-ի արդարադատության նախարարության Ադրբեջանին վերաբերվող գրառումները ուսումնասիրելիս կարելի է հայտնաբերել բազմաթիվ իրավաբանական ընկերություններ, խորհրդատվական ընկերություններ, որոնք աշխատավարձ են ստանում Ադրբեջանից:

Օրինակ` «The Podesta Group» ընկերությունը, որը գտնվում է Վաշինգտոնում և զբաղվում է փիարով և լոբբինգով, 2014 թ. հունվարի 1-ին կես տարով Ադրբեջանի դեսպանատան հետ ստորագրել է $50 դոլար արժողությամբ պայմանագիր «Ադրբեջանի և ԱՄՆ-ի մինչև կապերի ամրապնդման հարցում խորհրդատավություններ տալու վերաբերյալ»: «Foreign Policy» պարբերականը փորձել է The Podesta Group-ում մեկնաբանություն ստանալ խորհրդատվությունների բնույթի վերաբերյալ, որոնք ընկերությունը տալիս է Ադրբեջանի դեսպանատանը, սակայն պատասխան չի ստացել:

«Roberti+White» ընկերությունը, որը աշխատում է Վաշինգտոնում և Նյու-Յորքում, 6 ամիսների ընթացքում Ադրբեջանի պետական նավթային ընկերությունից ստացել է մոտ $125 հազ. նմանատիպ «խորհրդատվությունների» համար, նշված է նյութում:

Ադրբեջան-Ամերիկա դաշինքը, որի ղեկավարը ներկայումս հանդիսանում է նախկին կոնգրեսական Դեն Բարթոնը, վճարել է «Fabiani & Company» ընկերությանը $2.4 մլն ադրբեջանական մշակույթը ԱՄՆ-ում զարգացնելու համար: Միայն 2013 թ. 6 ամիսների ընթացքում այդ ընկերությունից ստացել է $800հազ. и $664 հազ. Լրացուցիչ ծախսերի համար, այդ թվում ադրբեջանամետ նյութերը Washington Post և Express-ի պարբերականներում տեղադրելու համար: «Foreign Policy»-ը հիշեցնում է, որ Ադրբեջան-Ամերիկա դաշինքը հիմնվել է Անար Մամեդովի կողմից, որը Ադրբեջանի տրանսպորտի նախարար Զիա Մամեդովի որդին է: Ինչպես նշվում է նյութում, Ադրբեջանը ակտիվ լոբբինգ է իրականացնում նաև Եվրոպայում, մասնավորապես Մեծ Բրիտանիայում:

Հոդվածի հեղինակը նաև նշում է, որ Բաքվի լոբբիստական ջանքերը նվազագույնի են հասցնում արտասահմանում ընդդիմադիր ադրբեջանական ուժերի գործունեության հնարավորությունը:

«Հաշվի առնելով, որ Վաշինգտոնի հետ շփվում են միայն դեսպանատան հետ կապված ադրբեջանական կառույցները, պետք է արդյոք զարմանալ, որ նախկինում իրավապաշտպան կազմակերպության կողմից վարձակալված շենքը այժմ պատկանում է ադրբեջանական նավթային ընկերությանը», -ասում է է Վեյսը:

Նա նաև նշում է, որ, ըստ երևույթին, Օբամայի վարչակազմը մարդու իրավունքների հարցերը առաջնահերթություն չի համարում:

Մեծ գումարների շնորհիվ կասպիական ռեժիմին հաջողվում է համոզել Արևմուտքին իր լեգիտիմության մեջ:

«Սարսափելին այն է, որ կարծես բոլորին միևնույնն է»,– եզրափակում է հեղինակը: