Սոցցանցերը մշակույթի նախարարությանը հուշում են իր տեղը
Բացի լրատվամիջոցների գրածներն ակտիվ տարածելուց, ֆեյսբուքյան օգտատերերն ու բլոգերները իրենց վրդովմունքն են հայտնում Զվարթնոց և Գառնի պատմամշակութային արգելոց-թանգարաններում վերջին օրերին տեղի ունեցած «խնջույքների», «փարթիների» վերաբերյալ:
*** «Իիիիի՞նչ: Պետական մարմնի պաշտոնական նամակում գրվում է "Աստծո օրհնությա՞մբ":
Չե, ... Հայաստանին ինկվիզիցիա է պետք»:
*** ««Վլադիմիր Պողոսյան «.... Խրախճանքների մասին խոսք լինել չի կարող, պարզապես միջոցառումներ են թույլատրվում, որոնց մեջ նաեւ ՖՈՒՐՇԵՏՆ է մտնում»- Սա չգիտի անգամ, թե ինչ է ֆուրշետը...
*** «Էնքան ջղայնացա, որ ավելի լավ է շատ բան չասեմ, որ՛տև նորմալ բառեր դժվարությամբ եմ գտնում: Բայց պետական (հըլը ինչ թույն բառ ա էս իրավիճակում) պաշտոններ զբաղեցնողների լկտիությունն ու աներեսությունն արդեն սահմաններ չի ճանաչում:
...
Ուզում եմ հիշել՝ ուրիշ ի՞նչ սենց հարմար օբէկտ ունի ազգս: Զվարթնոց, Գառնի... Ուրի՞շ: Բա Գառնին ու Զվարթնոցը փարթիով ծալլած նույն հարգարժան արտասայմանցին որ երրորդ անգամ բանկետի գա, գետինը չե՞ք մտնի, թազա տեղ ճարեք, խայտառակ չըլնենք, ի՛»:
*** «Ելնեին ու պայքարեին այ նման բաների դեմ, արգելեին, դա էլ հո գնացածնե՞րս չենք կազմակերպել, կամ իրենց արգելել պայքարելու: Պայքարն այ էսպիսի բաներն արգելելը,կազմակերպված կանգնելն ու թույլ չտալն է, ոչ թե դրոշակ ու միկրոֆոն վերցնելը...Դա տատս էլ գերեզմանից կգա ու կանի...»:
*** Օգտատերերից մեկն է գրել, որ եթե թուրքերը վերցնեն հայկական մշակութային հուշարձանները պղծելու նման «ավանդությունը» և նույնն անեն Անիում և Աղթամարում, ապա դա կլինի «հենց այն»:
*** «Հարավարևելյան Եվրոպայի տարեկան համաժողովին մասնակից հյուրերը հաստատ տպավորված կլինեն քեֆ-ուրախությունից:
Կեցցե մշակույթի նախարարությունը, կեցցե Հասմիկ Պողոսյանը...
Չմոռանանք կենտրոնական բանկին չէ,որ 1 մլն 120 հազար դրամ հենց նրանք են վճարել»:
***Բլոգերներից մեկը անդրադարձել է մշակույթի նախարարության հիմնավորումներին, թե` նման «միջոցառումները» հուշարձանները պահպանելու համար են. «ԿԲ-ն ինչքա՞ն տվեց Գառնին ոտքի տակ տալու համար, խանըմ.1 մլն 200 դրա՞մ: Դու էն գորշ երգչուհուն ինչքան ցմբցրեցիր քո պահուստային ֆոնդից մի համերգի համար, խանըմ. 54 մլն դրամ: Սաղոլ, խանըմ, սաղոլ»:
*** «Այսպիսի մշակույթի նախարարություն ունենալու պարագայում մնում է, որ Հայաստանի բոլոր մշ.արժեքների մոտ երկուական քաղաքացիական հսկիչ կանգնեցնենք՝ վանդալիզմի դրսևորման դեպքերի մասին «քաղաքացիական թեժ գծին» անմիջապես ահազանգելու համար: Սա խայտառակություն է»:
Սոցիալական ցանցերի գրառումները և մեկնաբանությունները հավաքեց Տաթև Մանուկյանը
Նախորդող հրապարակումներ՝
Մտավորականները՝ Գառնու և Զվարթնոցի տաճարներում խնջույքի մասին
Հերիք եղավ, Գառնին սրբություն է. Պատգամավորը դատապարտել է Գառնիում կազմակերպած կորպորատիվը
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
