Ձեր վստահելի աղբյուրը

ՀՀ վարչապետ Հովիկ Աբրահամյանն այսօր Հայաստանի Հանրապետական կուսակցության Գործադիր մարմնի նիստից առաջ լրագրողների հետ ճեպազրույցում անդրադառնալով ՀՀ երկրորդ նախագահ Ռոբերտ Քոչարյանի հարցազրույցին, ըստ որի` 2-րդ նախագահը պաշտպանել էր քառյակի 12 կետերից 4-ը, վարչապետն ասաց. «Ես Ղարաբաղում եմ եղել, բայց մեր պատասխանատուներն, ըստ ոլորտների, հիմնավոր պատասխանել են երկրորդ նախագահի հայտարարություններին: Ամեն դեպքում, յուրաքանչյուր ողջամիտ հարցի, մենք՝ որպես կառավարություն, պատրաստ ենք արձագանքել: Եթե անհրաժեշտություն լինի, լրացուցիչ բացատրության անպայման կտամ»:

Դիտարկմանը, թե Ռոբերտ Քոչարյանը, փաստորեն, վերադառնում է, Հովիկ Աբրահամյանն ասաց. «Իսկ ո՞ւր էր մեկնել, որ վերադառնում է»:

Լրագրողի արձագանքին, թե վերադառնում է ակտիվ քաղաքականություն, վարչապետը պատասխանեց. «Ակտիվ քաղաքականությունը, որը նպաստում է մեր երկրի զարգացմանը, մենք ողջունում ենք յուրաքանչյուր անձի մուտքը քաղաքականություն»: