Ձեր վստահելի աղբյուրը

Հայաստանի պետական ֆիլհարմոնիկ նվագախումբը հուլիսի 11-ին Արամ Խաչատրյան համերգասրահում ներկայացնելու է Ջակոմո Պուչինիի «Տոսկա» օպերայի համերգային կատարումը: Ֆլորիա Տոսկայի դերակատարն է համաշխարհային մեծության սոպրանո Հասմիկ Պապյանը: Այս մասին Panorama.am-ին տեղեկացրեցին նվագախմբի մամուլի ծառայությունից:

Մյուս դերերգերում հանդես կգան երգիչներ Հովհաննես Այվազյանը (սոպրանո, Կավարադոսսի դերում), Ամարտուվշին Էնխբատը (Մոնղոլիա, բարիտոն, Սկարպիայի դերում), Հրանտ Պապյանը (բաս, Անջելոտտիի դերում): Բեմում լինելու են նաև «Հովեր» պետական կամերային (գեղարվեստական ղեկավար և գլխավոր խմբավար (Սոնա Հովհաննիսյան) և «Սպեղանի» մանկական (գեղարվեստական ղեկավար և գլխավոր խմբավար երգչախմբերը Սարինա Ավթանդիլյան) երգչախմբերը: Համերգը ղեկավարելու է դիրիժոր Էդուարդ Թոփչյանը:

Հիշեցնենք, որ այս տարվա փետրվարին հայ հանդիսատեսն արդեն մեկ անգամ վայելել է Ջ.Պուչինիի «Տոսկա» հանրահայտ օպերայի համերգային կատարումը՝ Հայաստանի Ֆիլհարմոնիկ նվագախմբի նվագակցությամբ և համաշխարհային մեծության սոպրանո Հասմիկ Պապյանի գլխավոր դերակատարությամբ: Նախքան այդ՝  40 տարի Հայաստանում չէր ներկայացվել այս ստեղծագործությունը, որովհետև, ինչպես նշել է Է. Թոփչյանը, շատ դժվար ու պատասխանատու է գլխավոր դերակատարների, նվագախմբի համար:

Մեծանուն իտալիացի օպերային երգահան Ջակոմո Պուչինին «Տոսկա» օպերան գրել է 1900 թվականին:

Նախորդող հրապարակում՝

Աշխարհի լավագույն Տոսկաներից Հասմիկ Պապյանը երջանիկ է, որ բեմում լինելու են միայն հայեր