Ձեր վստահելի աղբյուրը

Օգոստոսի 1-ից էլեկտրաէներգիայի սակագնի թանկացման մասին լուրը Հանրային ծառայությունները կարգավորող հանձնաժողովի շենքի առջև բողոքի ակցիա իրականացնող քաղաքացիները բուռն դժգոհությամբ ընդունեցին` բացականչելով. «Դավաճան Նազարյան, դավաճան Նազարյան, ա-մոթ, ա-մոթ»:

Խորհրդարանական քառյակը ներկայացնող ԱԺ ՀԱԿ խմբակցության անդամ Արամ Մանուկյանը հայտարարեց, որ իրենք հանձնաժողովի նիստում խնդրեցին հետաձգել քվեարկությունը և ժամանակ տալ ուսումնասիրել իրավիճակը, հետազոտություններ կատարել` հարցումներ ուղարկելով իրանական ու վրացական կողմերին: Սակայն նրանց առաջարկը չի ընդունվել:

«Ազգային ժողովի պատվիրակությունը կառուցողական առաջարկ է ներկայացրել, սակայն չընդունվեց: Այս պահին քառյակը որոշում չունի հաջորդ քայլերը ներկայացնելու համար: Մեզ համար այդ որոշումը անակնկալ էր», -հայտարարեց Արամ Մանուկյանը:

«Մենք բոլորս պետք է պատրաստ լինենք քաղաքացիական լուրջ անհնազանդությունների, արդեն հետևում են մնացել գալ, բողոքի ցույցեր անելն ու հետ գնալը, մենք պետք է պատրաստ լինենք քաղաքացիական անհնազանդության», -հայտարարեց ակցիայի մասնակիցներից մեկը և տեղեկացրեց, որ այսօրվա հավաքը ավարտվում է, իսկ վաղը Մաշտոցի պուրակում ժամը 19:00-ին կկազմակերպվի հանրային քննարկում` որոշելու հետագա անելիքները:

Ի դեպ, ակցիայի մասնակիցները շնորհավորեցին ոստիկաններին` էլեկտրաէներգիայի թանկացման առիթով:

Հարակից հրապարակումներ`

«Դահլիճում տեղ չկա». Ակցիայի մասնակիցներին թույլ չեն տալիս ներկա գտնվել նիստին

Հանձնաժողովն ընդունեց որոշումը. Օգոստոսի 1-ից էլեկտրաէներգիան կթանկանա

Տարաձայնություն ակցիայի մասնակիցների շրջանում. Երկուսը մտան շենք` մասնակցելու նիստին

Պատգամավորները հանձնաժողովին առաջարկեցին հետաձգել քվեարկությունը