Ձեր վստահելի աղբյուրը

Թբիլիսիում հնարավոր է հայտնաբերվել է վրացի հայտնի նկարիչ Նիկո Փիրոսմանիի (1862-1918 թթ.)շիրիմը: Նրա գերեզմանը փնտրել են երկար տարիներ և չեն գտել: Այժմ Վրաստանում ստեղծվում է աշխատանքային խումբ, որը պետք է ուսումնասիրի գտածոն և ապացուցի կամ հերքի վարկածը, որ դա հենց նկարչի գերեզմանն է: Այս մասին գրում է mir24.tv-ին:

Հայտնաբերված քարի վրա տղամարդու պատկեր է: Աջ կողմի փորագրությունից միայն մեկ տառ է մնացել: Գերեզմանաքարը հայտնաբերել է մի լրագրող ու այդ մասին հայտնել մասնագետներին:

«Այն ծածկված էր մամուռով: Մաքրեցի ու տես գրություն՝ «Տեր ողորմա, Նիկալա»,- պատմել է նա: 

Նկաչի թաղման վայրը երկար ժամանակ է անհայտ է: Նիկո Փիրոսմանին, կամ ինչպես նրան անվանել են Վրաստանում՝ Նիկալան, ստեղծագործել է 20-րդ դարասկզբում: Կենդանության օրոք ճանաչում ձեռք չի բերել, եղել է աղքատ: Մահացել է 1918 թ. թբիլիսյան հիվանդանոցում սովից և հիվանդությունից: Ըստ ավանդույթի, նրան թաղել են աղքատների ընդհանուր գերեզմանոցում:

Մասնագետները հավանական են համարում, որ հայտնաբերածը հենց նկարչի շիրիմն է:

Նիկո Փիրոսմանին պրիմիտիվիզմի նշանավոր ներկայացուցիչներից է վրացական գեղանկարչության մեջ:

Նիկո Փիրոսմանին ծնողների մահից հետո մոտ 15 տարի (ընդհատումներով) ապրել է Շուլավերում՝ բաքվեցի հայ գործարանատիրոջ այրու՝ Եփրոսինե Քալանթարովայի տանը: 1870-ական թվականներին Քալանթարովների հետ տեղափոխվել է Թիֆլիս: Գրել և կարդալ (նաև հայերեն) սովորել է ինքնուրույն, իսկ գեղանկարչություն՝ շրջիկ նկարիչներից:

Դռնապանը, 1904 թ.

Ընձուղտը, 1990-ական թթ.

Այծյամը՝ բնանկարը ֆոնին, 1915 թ.

Ձկնորսը

Աղջիկը՝ փուչիկով

Դերասանուհի Մարգարիտան, 1909 թ.

Նատյուրմորտ

Բաթումի նավահանագիստը