Ձեր վստահելի աղբյուրը

Կ. Դեմիրճյանի անվան մարզահամերգային համալիրի հերթական` չորրորդ աճուրդն այսօր ժամը 13:00-ին ավարտվել է, սակայն որևէ գնորդ այդպես էլ հայտ չի ներկայացրել: Այդ մասին Panorama.am-ը տեղեկանում է ԴԱՀԿ լրատվական ծառայությունից:

Հայաստանյան օրենսդրության համաձայն, 3 աշխատանքային օրերի ընթացքում կհայտարարվի հաջորդ աճուրդի օրը, և շենքը դարձյալ կդրվի աճուրդի: Այն կլինի արդեն 5-րդ աճուրդը: Այս անգամ ևս, ըստ օրենքի, շենքի համար հայտարարվելիք գինը 10 տոկոսով պակաս կլինի:

Հիշեցնենք, որ Կ. Դեմիրճյանի անվան Մարզահամերգային համալիրը չորրորդ անգամ հանվել էր աճուրդի հուլիսի 2-ին: Շենքի մեկնարկային գինը սահմանվել էր 14 մլրդ 106 մլն 150 հազար դրամ: Երրորդ անգամ հայտարարված աճուրդի ժամանակ այն գնահատվել էր 15 մլրդ 673 մլն 500 հազար դրամ: Սկզբում համալիրն աճուրդի էր հանվել19 մլրդ 350 000 000.0 դրամ մեկնարկային գնով:

Հարակից հրապարակումներ`

Մարզահամերգային համալիրի շենքը դարձյալ հանվել է աճուրդի

Վերաքննիչ դատարանում Մարզահամերգային համալիրի գործով փաստաբանը բոյկոտել է նիստը