Ձեր վստահելի աղբյուրը

«Ցավոք, այսօր քիչ են ղարաբաղյան պատերազմի մասին ֆիլմեր նկարահանում: Ցանկանում եմ, որ շատ ֆիլմեր լինեն ղարաբաղյան պատերազմի մասին, որ մարդիկ հասկանան, թե մենք, ես ինչ եմ ապրել այդ տարիներին ապրելով Ղարաբաղում»,- լրագրողների հետ հանդիպման ժամանակ ասաց ռեժիսոր Ջիվան Ավետիսյանը:

Ռեժիսորի «Թևանիկ» ֆիլմն ընդգրկված է «Ոսկե ծիրան» երևանյան փառատոնի «Հայկական համայնապատկեր» անվանակարգում:

Ջիվան Ավետիսյանն ասաց, որ ղարաբաղյան պատերազմի մասին պատմող «Թևանիկ» ֆիլմի առանցքում մարդկային ճակատագիրն է, մարդը, ով ապրում է կյանքի, սիրո, մահվան եզրագծում: Նա նշեց, որ ֆիլմում փորձել է ներկայացել իրական պատմություն, որը կհասկանան ոչ միայն հայ, նաև օտար հանդիսատեսը:

«Ես մեծացել եմ Ղարաբաղում: Եղել եմ տասը տարեկան այդ ժամանակ: Մարդիկ պետք է հասկանան, թե ինչու է իմ ու մյուս երեխաների մանկությունը եղել գորշ: Հույս ունեմ և հավատ, որ հանդիսատեսը կհասկանա, ինչ դժվար է եղել առաջին գծում»,- ասաց ռեժիսորը:

Ջիվան Ավետսիյանն ասաց, որ այժմ աշխատում է նոր ֆիլմի վրա՝ «Վերջին բնակիչ»: Այն նույնպես ղարաբաղյան պատերազմի մասին է:

«Ես հիմա ցանկանում եմ պատմել ղարաբաղյան պատերազմի մասին: Կգա մի օր, որ կնկարահանեմ սիրային պատմություն»,- նշեց ռեժիսորը:

Նախորդող հրապարակում՝ 

«Թևանիկ» կինոնկարի պրեմիերան՝ այսօր. «Դատապարտում ենք պատերազմը»

Ռեժիսոր Ջիվան Ավետիսյանը պատմում է «իր աչքի առջև տեղի ունեցած» հերթական պատմությունը Ղարաբաղյան ազատամարտի մասին՝ «Թևանիկ»...