Ձեր վստահելի աղբյուրը

«Ավան» հոգեկան առողջության կենտրոն, «Նուբարաշեն» հոգեբուժական կենտրոն, «Նորք» հոգեբուժական կենտրոն, «Սևանի հանրապետական հոգեբուժական հիվանդանոց» փակ բաժնետիրական ընկերություններում դեղերի ոլորտը կարգավորող օրենսդրության պահանջներին համապատասխանությունը պարզելու նպատակով ՀՀ առողջապահության նախարար Արմեն Մուրադյանի հրամանով ստեղծվել է հանձնաժողով: Այս մասին հայտնում են առողջապահության նախարարության լրատվական ծառայությունից: 

Հանձնաժողովը մեկշաբաթյա ժամկետում նշված հոգեբուժական կենտրոններում կիրականացնի ուսումնասիրություններ, ուսումնասիրությունների արդյունքները և համապատասխան առաջարկությունները կներկայացնի ՀՀ առողջապահության նախարարին:

ՀՀ առողջապահության նախարարության մասնագիտական հանձնաժողովը ուսումնասիրությունները սկսել է իրականացնել «Սևանի հանրապետական հոգեբուժական հիվանդանոցից:

Միաժամանակ, շրջաբերական կուղարկվի հանրապետության բոլոր բուժհաստատություններին` հանձնարարելով խիստ հսկողություն սահմանել` դեղերի ձեռքբերման, պահպանման և կիրառման գործընթացում բացառելով սահմանված կարգի խախտումները։