Ձեր վստահելի աղբյուրը

Ընթացիկ տարվա օգոստոսի 10-ին Թուրքիայում կայանալիք նախագահական ընտրությունների կապակցությամբ «CNNTurk» լրատվական ծառայությունն ինտերնետային քվեարկություն է կազմակերպվել: Լրատվամիջոցի պաշտոնական կայքում իրականացվել է առցանց (on line) հարցում, թե առաջիկա նախագահական ընտրություններին քաղաքացիները որ թեկնածուի օգտին են քվեարկելու:

Առաջադրված երեք թեկնածուների ստացած քվեներն այս պահի դրությամբ հետևյալ պատկերն ունեն:

1. Սելահաթթին Դեմիրթաշ – 23.846
2. Էքմելեդդին Իհսանօղլու – 4.827
3. Ռեջեփ Թայիփ Էրդողան – 7.686

Հիշեցնենք, որ Էրդողանն առաջադրվել է իշխող «Արդարություն և զարգացում» կուսակցության (ԱԶԿ-AKP) կողմից: Իհսանօղլուն հանդես է գալիս որպես խոշոր ընդդիմադիր ուժերի` ժողովրդահանրապետականների ու ազգայնականների միասնական թեկնածու: Իսկ Դեմիրթաշն առաջադրվել է քրդամետ «Ժողովուրդների դեմոկրատական» կուսակցության (ԺԴԿ-HDP) կողմից:

Ստորև ներկայացված է ինտերնետային քվեարկության պատկերը` ըստ Թուրքիայի Հանրապետության քարտեզի:

Էրդողան (դեղին) - 13.28 %
Դեմիրթաշ (կապույտ) - 65.58 %
Իհսանօղլու (կարմիր) - 21.14 %