Ձեր վստահելի աղբյուրը

Թբիլիսիում հայկական Սուրբ Էջմիածին եկեղեցու մոտ հանգստյան օրերին տեղի ունեցած միջադեպը էթնիկ բնույթի չի եղել, կարծում են Վրաստանի Ներքին գործերի նախարարությունում: Այս մասին գրում է «Նովոստի Գրուզիա»-ն:

«Միջադեպը միջէթնիկ բնույթ չի կրել: Բախումը տեղի է ունեցել փողոցում՝ մեքենայի կայանման պատճառով: Քննություն է անցկացվում 125-րդ հոդվածով՝ հարվածներ հասցնելը»,- ասել է գերատեսչության ներկայացուցիչը:

Վիրահայոց Թեմն ավելի վաղ հայտարարություն էր տարածել, որ հուլիսի 19-ին Թբիլիսիում, ծայրահեղ ազգայնական տրամադրվածությամբ շուրջ 50 անձանց կողմից ոտնձգություն է կատարվել Հավլաբարի Սբ. Էջմիածին եկեղեցու նկատմամբ, որի ընթացքում անհարգալից ու հայհոյական արտահայտություններով ծեծել են եկեղեցու սպասավոր Տ. Մանուկ քահանա Զեյնալյանին, թեմի պաշտոնյաներին և այդ պահին եկեղեցում գտնվող հայ հավատացյալներին: Հարձակվողները պոկել են նաև հոգևորականներից մեկի լանջախաչը և տարել իրենց հետ:

Մայր Աթոռ Սուրբ Էջմիածինը ևս հայտարարություն է տարածել, որում միջադեպին «սադրիչ ոտնձգություն» բնորոշումն է տվել: Մայր Աթոռը խորը մտահոգություն է հայտնել եկեղեցու դեմ կատարվածի առնչությամբ և դատապարտել ազգային թշնամանք և կրոնական անհանդուրժողականություն հրահրող այս գործողությունը:

Նախորդող հրապարակում`
«Նրանք մեզ հայհոյում էին վրացերեն». Մկրտության ժամանակ տեղի ունեցած ծեծկռտուքի մասին
Ջավախահայ պատգամավորը՝ Թբիլիսիի հայկական եկեղեցու վրա հարձակման մասին
Ջավախահայությունը դատապարտում է Թբիլիսիի հայկական եկեղեցու նկատմամբ կատարվածը
Հարձակում Թբիլիսիի հայկական եկեղեցու վրա, հնչել են կրակոցներ, կան տուժածներ