Ձեր վստահելի աղբյուրը

ՎՏԲ-Հայաստան Բանկը 2014թ. երկրորդ եռամսյակի տվյալներով զբաղեցնում է առաջին տեղը Հայաստանի բանկերի շրջանում վարկային ներդրումների ծավալով: Տարվա սկզբի համեմատ այդ ցուցանիշն աճել է 1.4%` կազմելով 230 մլրդ դրամ:

Հայաստանի բանկային համակարգի վարկային ներդրումների ընդհանուր ծավալի 12.4% բաժին է ընկնում ՎՏԲ-Հայաստան Բանկին: Այս մասին տեղեկացնում է «ՎՏԲ-Հայաստան Բանկ» ՓԲԸ-ի հասարակայնության հետ կապերի բաժինը:

Բանկը շարունակում է ակտիվ ֆինանսավորել շինարարության, սննդի արդյունաբերության, գյուղատնտեսության, առևտրի ոլորտները, զարգացնել ապառիկ վարկավորումը, հիպոտեկային վարկավորումն ու ավտովարկավորումը:

2014թ. առաջին կիսամյակում բանկի ակտիվներն աճել են 3.4%` կազմելով 312մլրդ դրամ: Հայաստանի բանկային համակարգի ակտիվների ընդհանուր ծավալի 10.7% բաժին է ընկնում ՎՏԲ-Հայաստան Բանկին:

30.06.14թ. տվյալներով բանկը զբաղեցնում է առաջատար դիրք ընդհանուր կապիտալի ցուցանիշով: Տարվա սկզբի համեմատ բանկի ընդհանուր կապիտալն աճել է 18%-ով` կազմելով 44.0 մլրդ դրամ:

«ՎՏԲ-Հայաստան Բանկը ակտիվ աշխատանք է տանում մի շարք վարկային պրոդուկտների պայմանների ու սակագների բարելավման ուղղությամբ: Վարկավորման ոլորտում լավ ցուցանիշներ գրանցելուն նպաստել են վարկավորման ճկուն պայմանները, վարկային պրոդուկտների լայն տեսականին, ամեն հաճախորդի բիզնեսին անհատական մոտեցումը: Մենք շարունակում ենք մշակել և առաջարկել բիզնեսին ու բնակչությանը վարկային պրոդուկտներ գրավիչ պայմաններով»,-ասել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը: