Orange-ի 30 կամավորների աշխատանքը մանուկների համար
Orange-ի ավելի քան 30 աշխատակիցներ օրերս Հայաստանի մանուկներ հիմնադրամի հետ համատեղ մանուկներին ուղղված կամավոր աշխատանքներ են իրականացրել, հայտնում են ընկերության մամուլի ծառայությունից:
Նրանց մի մասն այցելեց Արթենի, Վանանդ և Երվանդաշատ համայնքներ, որտեղ համայնքի երեխաների հետ ներկել են նոր խաղահրապարակներում տեղադրված նստարաններն ու աղբամանները: Խաղահրապարակները կառուցել է Հայաստանի մանուկներ հիմնադրամը՝ Արմավիրի և Արագածոտնի մարզերում գտնվող մի շարք համայնքներում ապահով և բաց խաղային տարածքների բացակայությունը շտկելու նպատակով:
Կամավորների մյուս խումբն այցելել է Մյասնիկյան համայնքի մանկապարտեզ, որտեղ արտ-թերապևտների և մանկապարտեզի աշխատակիցների ուղղորդմամբ կազմակերպվել են բնության թեմայով խաղեր: Հայաստանի մանուկներ հիմնադրամը շարունակաբար աշխատում է տեղական մանկապարտեզների ուսուցիչների հետ երեխաներին ներգրավելու այլընտրանքային մեթոդներ ցուցադրելու ուղղությամբ՝ նպատակ ունենալով զարգացնել ուսուցման ոլորտը:
«Հպարտ ենք մեր աշխատակիցներով, ովքեր ամառային այս շոգ օրերին պատրաստակամ էին` իրենց աշխատանքով իրական ուրախություն պարգևելու հայ մանուկներին: Կամավորական աշխատանքի շնորհիվ մեր աշխատակիցները հանդես են գալիս որպես հասարակության իսկական անդամներ և միաժամանակ ապրում մեր ընկերության արժեքներով»,- ասել է Օրանժ Արմենիայի գլխավոր տնօրեն Ֆրանսիս Ժելիբտերը: