Ձեր վստահելի աղբյուրը

ՎՏԲ պաշտոնական հայտարարություն է տարածել ԵՄ պատժամիջոցների վերաբերյալ: Հայտարարության մեջ ասված է. «ՎՏԲ-ն բացասական է գնահատում եվրոպական իշխանությունների որոշումը, որը սահմանափակում է կապիտալի շուկայի հասանելիությունը: Այդպիսի գործողությունները հակասում են եվրոպացիների ժողովրդավարական արժեքներին, որոնք հետևցին իրենց ավագ անդրօվկիանոսյան ընկերներին` հակառակ սեփական շահերին:

Ընդունված որոշումները նույնպես բացարձակ չեն համապատասխանում ազատ շուկայի հիմնարար սկզբունքներին և խտրական են ոչ միայն ՎՏԲ-ի այլ նաև միջազգային ներդրողների հանդեպ: Փաստացի եվրոպական իշխանությունները իրենց իրավունք են վերապահել նրանց փոխարեն որոշելու, թե որտեղ ներդնել միջոցները:

Չնայած եվրոպական պատժամիջոցներին` ՎՏԲ-ն և իր դուստր ձեռնարկությունները շարունակելու են աշխատանքը նույն ռեժիմով` կատարելով իրենց ներդրողների ու բաժնետերերի հանդեպ բոլոր պարտավորությունները և պահպանելով հաճախորդների սպասարկման բարձր որակը:

Կապիտալի շուկայում գործարքների պլանավորումը կախված կլինի ֆոնդավորման մեր պահանջարկից, ինչպես նաև շուկայի հնարավորություններից ու կոնյունկտուրայից»:

Հարակից հրապարակումներ`
ՌԴ-ի նկատմամբ պատժամիջոցները հայ գործարարներին մտահոգվելու տեղիք չեն տալիս. Արսեն Ղազարյան
ԱՄՆ դեսպանատան զգուշացումը քաղաքագետը շանտաժ է որակում
ՎՏԲ Բանկ ԲԲԸ և «ՎՏԲ-Հայաստան Բանկ» ՓԲԸ պաշտոնական դիրքորոշումը՝ ԱՄՆ կողմից պատժամիջոցների կիրառման վերաբերյալ