Ձեր վստահելի աղբյուրը

Տավուշի մարզի Ներքին Կարմիաղբյուր գյուղում հակառակորդից համառ են, ու թեև կրակոցները պարբերաբար կրկնվում են, գյուղացիները չեն թողնում իրենց տունն ու շարունակում են գյուղատնտեսական աշխատանքները:

Դիմացի սարերից եկող կրակոցների դադարելուն պես, մարդիկ անցնում են դաշտեր ու այգիներ. բերքը ծառին ու արտում չեն թողնելու:

Ներքին Կարմիաղբյուրի գյուղապետարանի աշխատակից Ռիմա Շառյանը Panorama.am-ի թղթակցի հետ զրույցում ասաց, որ կրակոցները լինում են երեկոյան ժամերին՝ 9-ից սկսած մինչև ողջ գիշեր: Այս գիշեր ևս հակառակորդի դիրքերից գյուղի վրա կրակ բացել են:

«Սպասում ենք, որ մի քիչ հանդարտվի, հունձը՝ խոտը, ցորենը, այգիները՝ չիրը, սրսկումները, անում ենք: Աշխատում ենք մինչև կրակոց է լինում: Չենք թողնելու: Կյանքն էլ սովորական հունով ընթանում է»,- ասաց նա:

Գյուղապետարանի աշխատակիցը շեշտեց, որ բացառված է՝ գյուղացիներն իրենց տունը թողնեն ու գնան:

Մայիս ամսին Panorama.am-ի թղթակիցը եղել է սահմանապահ այս գյուղում: Ներկայացնում ենք տեսանյութ, որում մարդիկ պատմում են արդեն սովոր դարձած կրակոցների տակ իրենց առօրյայի մասին:

Կարդացեք նաև՝
Սահմանապահ Այգեպար. չորս սերունդ (Տեսանյութ)