Ձեր վստահելի աղբյուրը

2014թ-ը Հայաստանի, Արցախի, հայկական բանակի համար լարված ժամանակահատված էր, Ադրբեջանի հռետորաբանության ու հրադադարի խախտման արդյունք էր: Այս տարվա ընթացքում արձանագրվել է հրադադարի ռեժիմի խախտման շուրջ 18 հազար դեպք, մինչդեռ 2013թ-ին այդ թիվը եղել է 13 հազար: Հակառակորդը 26 դիվերսիոն փորձեր է իրականացրել, որի 15 տոկոսը բաժին է ընկել հուլիսի կեսերից հետո ընկած ժամանակահատվածին: Այս մասին կառավարության նիստի մեկնարկին զեկուցեց ՀՀ Պաշտպանության նախարար
Սեյրան Օհանյանը:

Նախարարը տեղեկացրեց, որ իրավիճակը շարունակում է լարված մնալ, Ադրբեջանը շարունակում է հրադադարը ինտենսիվ խախտել, ինչպես նաև շփման գծում և թիկունքում տեղաշարժերը:

«Օգոստոսի 1-ից սկսած հրադադարի ռեժիմի խախտումը չի նվազել, գնդակոծության տակ են գտնվում խաղաղ բնակավայրերը, ինչպես նաև հակառակորդի կողմից օտգագործվում են տարբեր տրամաչափի զինատեսակներ: Հակառակորդի գործողությունները թույլ են տալիս ասելու, որ այդ գործողությունները դժվար է որակել որպես զուտ դիվերսիոն գործողություններ: Ցավոք սրտի` մենք ունեցել ենք նաև կորուստներ...»,- հայտարարեց Պնախարարը:

Ս.Օհանյանը տեղեկացրեց նաև, որ հակառակորդի կողմից իրականացվում են այլ գործողություններ ևս` մտցվել են զորանոցային վիճակներ, արձանագրվել է զինտեխնիկայի տեղաշարժ, իրականացվում է ավիացիայի և ուղաթիռների ակտիվություն, ակտիվացել են հակառակորդի անօդաչու սարքերը, տարվում է ակտիվ տեղեկատվական քարոզչություն և այլն:

«Հակառակորդը 8-9 անգամ ավելի շատ կորուստներ է տվել: Հակառակորդի կողմից իրականացվող այս բոլոր գործողությունները աննախադեպ են 90-ականներից այս կողմ: Այս ամենը նպատակ ունի ազդելու բանակցային գործընթացի վրա ու նաև ներքին լսարանի մոտ պարտվածի հոգեբանության վերացման»,- նշեց նախարարը:

Կառավարության անդամներին ներկայացնելով առկա իրավիճակը` Սեյրան Օհանյանը տեղեկացրեց նաև, որ հատկապես գիշերային պայմաններում ռազմական ռեժիմը ուժեղացված է, զինծառայողները մարտական են տրամադրված:

«Իրադրության ապակայունացմանն ուղղված Ադրբեջանի գործելակերպը ամբողջովին հակասում է ԵԱՀԿ Մինսկի խմբի բանակցային գործընթացին,- հայտարարեց նա ու կրկնեց,- թափված արյան համար ողջ պատասխանատվությունն ընկնում է Ադրբեջանի խղճի վրա: 

«Թուրքը մնում է թուրք և մենք նրա հետ գործելու ենք այն կանոններով, որով նա ուզում է մեր հետ գործել: Ես գտնում եմ, որ Ադրբեջանը մինչև ամսի 9-ը և դրանից հետո էլ չի հանգստանալու, բայց ՀՀ ԶՈՒ-ն  պատրաստ է հակառակորդի ցանկացած գործողության տալ համարժեք պատասխան»,- հավելեց նախարարը` նկատի ունենալով օգոստոսի 8-9-ին սպասվող Հայաստանի և Ադրբեջանի նախագահների հանդիպումը:

Ս.Օհանյանի ելույթից հետո ՀՀ վարչապետ Հովիկ Աբրահամյանը իր ցավակցությունը հայտնեց զոհվածների ընտանիքներին` մեկ րոպե լռությամբ հարգելով նրանց հիշատակը:

Ելույթի պաշտոնական տարբերակը` այստեղ:

Նախորդող հրապարակումներ`
Սեյրան Օհանյան. Խաղաղապահ ուժերի տեղադրման կարիք այսօր չկա
Թափված արյան համար ողջ պատասխանատվությունը ընկած է Ադրբեջանի ղեկավարության խղճի վրա. Ս.Օհանյան
Սեյրան Օհանյան. Խաղաղապահ ուժերի տեղադրման կարիք այսօր չկա
Եռօրյա պատերազմի փոխարեն 3 տոննա լապշա` ադրբեջանցիների ականջներին. Սեյրան Օհանյան