Ձեր վստահելի աղբյուրը

Ղարաբաղյան կարգավորման բանակցվող փաստաթղթում միջազգային խաղաղապահ առաքելությանը վերաբերող դրույթ առկա է, սակայն առաքելության կազմն ու լիազորություններն ընթացիկ փուլում բանակցությունների առարկա չեն: Նման պարզաբանում է տվել ՀՀ նախագահ Սերժ Սարգսյանը «Արմնյուզ» հեռուստաընկերությանը տված հարցազրույցում:

Անդրադառնալով այն դիտարկմանը, որ վերջին օրերին հայ-ադրբեջանական շփման գծում լարվածության ֆոնին ակտիվացել էին քննարկումները հակամարտության գոտում, մասնավորապես, ռուսական խաղաղապահ ուժեր տեղակայելու մասին՝ հանրապետության ղեկավարը նշել է. «Ես առաջին անգամ եմ լսում միայն ռուս խաղաղապահների մասին, իսկ, ընդհանրապես, Մադրիդյան սկզբունքները ենթադրում են խաղաղապահների տեղակայում շփման գծի ողջ երկայնքով, այսինքն` կողմերի միջև: Բայց դա այս բանակցությունների առարկան չէ և թեման չէ, որովհետև այստեղ միայն զուտ սկզբունքը պետք է քննարկվի̀ լինելո՞ւ են արդյոք խաղաղապահներ, թե՞ չէ: Կազանյան փաստաթղթում այդ դրույթը կա: Իսկ խաղաղապահ ուժերի կազմը, լիազորությունները կորոշվեն Մեծ համաձայնագրում, որը պետք է հետևի այս փաստաթուղթը ստորագրելուն»:

Նախորդող`
ՀՀ նախագահ. Խաղաղապահների կազմն ու լիազորությունները այս փուլում չեն քննարկվում

Սերժ Սարգսյան. Բանակցություններն ընթանում են Կազանյան փաստաթղթի շուրջ

Սահմանային միջադեպերը կանխելու լավագույն ուղին հետաքննման միջազգային մեխանիզմն է

Սերժ Սարգսյան. Հրադադարի վերաբերյալ նոր համաձայնագրի կարիք չկա

Սերժ Սարգսյան. «Մենք մշտապես համաձայնում ենք բարձր մակարդակով հանդիպումների»