Ձեր վստահելի աղբյուրը

«Փաստաբանների միջազգային ասոցիացիայի» Մարդու իրավունքների ինստիտուտը (The International Bar Association’s Human Rights Institute - IBAHRI) Եվրոպայի խորհրդի նախարարների կոմիտեին կոչ է անում անհապաղ քայլեր ձեռնարկել՝ ուղղված Ադրբեջանում քաղաքացիական հասարակության անդամների ձերբակալություների անհանգստացնող միտմանը։

IBAHRI-ն մասնավորապես գլխավոր քարտուղար Թորբյորն Յագլանդին կոչ է անում անհապաղ Նախարարների կոմիտեի նիստ հրավիրել՝ քննարկել և ներկայացնել Ադրբեջանի վերջին գործողությունները դատապարտող բանաձևի նախագիծ։

IBAHRI-ի համանախագահ բարոնուհի Հելենա Քեննեդին ասում է, որ սա անհանգստացնող է այն, որ ԵԽ նախարարների կոմիտեում Ադրբեջանի նախագահության ժամանակ տեղի են ունենում քաղաքացիական հասարակության նկատմամբ ամենադրամատիկ հետապնդումները։

«ԵԽ ժողովրդավարական արժեքները ներկայացնելու և Մարդու իրավունքների եվրոպական կոնվենցիայի հիմնարար ազատություններն ապահովելու փոխարեն Ադրբեջանը ոտնահարում է այն»,-ասում է Հելենա Քեննեդին՝ ավելացնելով, որ Ադրբեջանն ունի ինչպես ներքին, այնպես էլ միջազգային պարտավորություններ՝ պաշտպանել մարդու հիմնարար իրավունքները։

«Անընդունելի է, որ Ադրբեջանի իշխանություններն այսքան կոպտորեն խախտում են մարդկանց հիմնական ազատություները»,- ասում է Քեննեդին։