«Հետագան ցույց կտա՝ ինչքանով են իրական իրաքյան եզդիներին օգնելու ՀՀ ԱԳՆ հրահանգները»
«ՀՀ իշխանություններից իրաքյան եզդիներին օգնելու պահանջները նախ և առաջ դիվանագիտական են: ԱԳՆ-ի վերջին հայտարարությունից կարելի է ենթադրել, որ այն միջազգային կառույցներում, որտեղ ներկայացված է Հայաստանը, ինչ-որ քայլեր են արվում: Նաև այն երկրներում, որտեղ կան դեսպանատներ, դիվանագետներին հրահանգներ են տրվել: Բայց հետագան ցույց կտա՝ ինչքանով են իրական այդ հրահանգները»,-Panorama.am-ի հետ զրույցում ասաց Սինջար եզդիների ազգային միավորման նախագահ Բորիս Մուրազին:
Նա նաև տեղեկացրեց, որ ՀՀ-ում եզդիական համայնքն էլ է օգնության աշխատանքներ կատարում: Կոնկրետ Սինջար եզդիների ազգային միավորումը այս պահին դրամահավաք է իրականացնում. «Մենք կարողացել ենք մոտ 5 հազար դոլարի չափ գումար հավաքել, հուսանք գումարը կավելանա: Գումարի հետ աշխատելու ենք շատ թափանցիկ: Չափը այս պարագայում կարևոր չէ և յուրաքանչյուրի տվածը արտացոլվելու է հաշվետվության մեջ»:
Ըստ նրա՝ այս պարագայում գումարային օգնությունն ավելի նպատակահարմար է, քանի որ հագուստի և սննդի տեսքով օգնության դեպքում կլինի տեղափոխման խնդիր, ցանկացած բեռ, որը պետք է տեղափոխվի, մաքսազերծման խնդիր կունենա, որը նույնպես գումարի հետ է կապված:
Անդրադառնալով կառավարության կողմից տրամադրված 50 հազար դոլար օգնության փոխանցմանը՝ Բորիս Մուրազին ասաց. «Դեռ սպասում ենք ՄԱԿ-ի պատասխանին, որի տրամադրած հաշվեհամարի միջոցով գումարը կհասնի տեղ: Իսկ Հայաստանի իշխանությունների պահվածքը դրդեց նրան, որ նրանցից մեծ սպասելիքներ չունենանք ու նաև մեծ պահանջներ չդնենք»:
Իսկ թե այս պահին վիճակն ինչպիսին է իրաքյան եզդիների մոտ, Մուրազին տեղեկացրեց, որ երեկ երեկոյան Շանգալի պաշտպանության ջոկատը հետ էր գրավել եզդիական մի գյուղ, որը հնարավորության կտա սարերում ապաստանած 2000 հոգու իջնել և այդտեղ բնակություն հաստատել: Իսկ երկու օր առաջ իսլամիստների կողմից մահապատժի էր ենթարկվել 300 եզդի տղամարդ և առևանգվել 3000 եզդի կին:
Նախորդող հրապարակուներ՝
ԱԳՆ. Կիսում ենք Հայաստանում ապրող եզդիների վրդովմունքը տեղի ունեցող ողբերգական զարգացումների կապակցությամբ
Այն, ինչ իրաքյան եզդիների հետ է կատարվում, եղել է 1915 թվականին հայերի հետ. Թամոյան
Գերտերությունները կօգնեն Իրաքի եզդիներին. Ազիզ Թամոյան (տեսանյութ)
«Իրաքյան եզդիների ցանկությունն է, որ իրենց զբաղեցրած տարածքը համարվի ԱՄՆ-ի վարչական տարածք»
Հայաստանյան եզդիները մարդասիրական օգնություն են խնդրում իրաքյան եզդիների համար (տեսանյութ)
«ՀՀ իշխանությունները կիսում են եզդիական համայնքի մտահոգությունները»
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
