Ձեր վստահելի աղբյուրը

«Եվրամիությունը խորապես ցավում է Լեռային Ղարաբաղի հակամարտության արդյունքում կյանքերի շարունակական ողբերգական կորստի կապակցությամբ, որն առավել է ընդգծում հակամարտության կարգավորմանը շուտափույթ և արդար լուծում գտնելու հրատապությունը։ Մենք նաև մեր ցավակցություն ենք հայտնում Կարեն Պետրոսյանի ընտանիքին, և մյուս հայ և ադրբեջանցի զոհերին»,- այս մասին Panorama.am-ի թղթակցին ասաց Եվրամիության ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեի խոսնակ Պետեր Ստանոն՝ պատասխանելով Կարեն Պետրոսյանի մահվան հետ կապված հարցին:

«ԵՄ-ն ընդգծում է միջազգային մարդասիրական իրավունքի շրջանակներում երկու կողմերի ունեցած պարտավորությունները, մասնավորապես նրանց, որոնք վերաբերում են քաղաքացիական անձանց և հակամարտությունների ժամանակ կալանավորված անձանց հետ վարվելուն և ԵՄ-ն կոչ է անում նման միջադեպերի լիարժեք և թափանցիկ հետաքննությունների անցկացում։ Մենք կոչ ենք անում Ադրբեջանին և Հայաստանին՝ Միջազգային Կարմիր խաչի կոմիտեին տրամադրել անարգել մուտք և ցուցաբերել հնարավոր ողջ աջակցությունը՝ հակամարտության արդյունքում մահացած կամ կալանավորված անձանց գործերին միջազգային մարդասիրական իրավունքին համապատասխան արագ լուծում տալուն»,-Panorama.am-ին ասաց Պետեր Ստանոն։

Նախորդող հրապարակումներ`
Կարեն Պետրոսյանի մահվան գործով դիմել են միջազգային կազմակերպություններին
ՄԻԵԴ-ն ընթացք է տալիս Կարեն Պետրոսյանի դին վերադարձնելու պահանջին
ՄԻՊ-ը Կարեն Պետրոսյանի սպանության դեպքի առթիվ դիմել է ՄԱԿ-ի Մարդու իրավունքների հարցերով գերագույն հանձնակատարին
Կարեն Պետրոսյանին առևանգել են հայկական տարածքից. Աշխատանքային վարկած
Ադրբեջանական լուրեր. Ադրբեջանում գերեվարված Կարեն Պետրոսյանը «հանկարծակի մահացել է»