Ձեր վստահելի աղբյուրը

Հետաքննող մարմինը դիմել է Մոսկվայի Բասմանյան դատարան` «Բաշնևտի» գործող որպես մեղադրյալ անցնող հայազգի գործարար Լևոն Հայրապետյանի խափանման միջոցը փոխելու և տնային կայալնք սահմանելու միջնորդությամբ: Այս մասին տեղեկացնում է «Ինտերֆաքս» գործակալությունը, վկայակոչելով դատարանի տարածած մամուլի հաղորդագրությունը:

«Ներկայումս դատարանը քննում է խափանման միջոցը կալանքից տնային կալանքի փոխելու միջնորդությունը», - գործակալության հետ զրույցում ասել է դատարանի մամուլի քարտուղար Աննա Ֆադեևան:

Նշվում է, թե վերջինս այլ մանրամասներ չի հաղորդել:

Գործակալությունը գրում է, թե գործին ծանոթ իր աղբյուրը փոխանցել է, որ Հայրապետյանը վերջին շրջանում հետաքննող մարմնին մանրամասն ցուցմունքներ տվել է, սակայն նախկինի պես իրեն մեղավոր չի համարում: Աղբյուրը նշել է, թե Հայրապետյանը համագործակցում է հետաքննող մարմնի հետ, սակայն չի պարզաբանել, թե իրավապահ մարմինները ինչու են որոշել խափանման միջոցը փոխելու միջնոդրությամբ հանդես գալ:

Հայազգի գործարար Լևոն Հայրապետյանին հուլիսի 24-ին ՌԴ քննչական կոմիտեն մեղադրանք էր առաջադրել ՌԴ Քրեական օրենսգրքի 160 (յուրացում և վատնում) ու 174 (փողերի լվացում) հոդվածների հատկանիշներով: Մոսկվայի Բասմանյան դատարանը բավարարել էր հայազգի գործարար Լևոն Հայրապետյանի նկատմամբ որպես խափանման միջոց կալանքն ընտրելու մասին նախաքննական մարմնի միջնորդությունը և որոշել, որ նա պետք է մնա կալանքի տակ մինչև սեպտեմբերի 15-ը:

Դատարանը կալանքի մասին որոշումը հիմնավորել էր նրանով, որ ազատության մեջ Հայրապետյանը կարող է օգտագործել իր կապերը ու թաքնվել նախաքննությունից: Բացի այդ, նշված քրեական գործի շրջանակներում դատարանը կալանքի տակ է դրել «Բանեֆթի» ակցիաների վրա, որոնց արժեքը անցնում է 300 մլն ռուբլին:

Նախորդող հրապարակումներ՝
Լևոն Հայրապետյանի գործով ՀՀ ՄԻՊ գրասենյակը սպասում է ՌԴ ՄԻՊ-ի դիրքորոշմանը
Գործարար Լևոն Հայրապետյանը կրկին տեղափոխել են մեկուսարան
Լևոն Հայրապետյանին տեղափոխել են քաղաքացիական հիվանդանոց
Լևոն Հայրապետյանը շարունակում է մնալ կալանավորված Դատական նիստի ժամանակ Լևոն Հայրապետյանի ինքնազգացողությունը վատացել է
Վլադիմիր Պուտինը Սերժ Սարգսյանին խոստացել է ուսումնասիրել Լևոն Հայրապետյանի հարցը
«Ի պաշտպանություն Լևոն Հայրապետյանի» երթի մասնակիցները նամակներ հանձնեցին պետական մարմիններին (տեսանյութ)
«Ժառանգություն». Լ. Հայրապետյանի նկատմամբ առաջադրված մեղադրանքն ունի քաղաքական ենթատեքստ
Լևոն Հայրապետյանը կալանավայրում կորցրել է գիտակցությունը
Պաշտպանական կողմը բողոքարկել է Հայրապետյանին կալանավորելու մասին դատարանի որոշումը
Լևոն Հայրապետյանի հետ կատարվածի մեջ քաղաքական ենթատեքստ չկա. Փաստաբան
Հայրապետյանի փաստաբանները կբողոքարկեն դատարանի որոշումը (Տեսանյութ)
Պաշտոնական Ստեփանակերտը անտարբեր չէ Լևոն Հայրապետյանի հետ կատարվածին