Ձեր վստահելի աղբյուրը

««Ժառանգության» մեր այն գործընկերները, ովքեր մասնակցում են եռյակի գործընթացներին և ովքեր լիազորված են իրենց կուսակցության անունից հայտարարություն անելու մեզ հորդորել են «Ժառանգության» անունից արվող հայտարարությունները բացառապես ընդունել կուսակցության նախագահի, փոխնախագահի, խմբակցության ղեկավարի և մամուլի ծառայության ղեկավարի անունից: Մեզ ասվել է, որ այլոց հայտարարությունները կուսակցության տեսակետ չեն, այլ տվյալ անձանց անհատական, մասնավոր մտավարժանքներ»,-Panorama.am-ի հետ զրույցում ասաց ԲՀԿ խմբակցության քարտուղար Նաիրա Զոհրաբյանը` մեկնաբանելով «Ժառանգություն» խմբակցության անդամ Զարուհի Փոստանջյանի այսօրվա հայտարարությունները:

Հիշեցնենք, վերջինս եռյակին ներկայացրեց իր կողմից մշակված միացյալ հարթակի օրակարգը, որը, ըստ Զ.Փոստանջյանի, պետք է ընդունի եռյակը, եթե  ազնիվ է ու արդար:

Ն.Զոհրաբյանը նշեց նաև, որ շատ հարգում է «Ժառանգության» գործընկերների հորդորը:

«Ես բացարձակապես ժամանակ չունեմ որևէ քաղաքական ուժի պաշտոնական դիրքորոշում չներկայացնող մի ինչ-որ տիկնոջ անձնական մտավարժանքները և տվայտանքները մեկնաբանելու»,- հավելեց նա:

Հարակից հրապարակում`
Զ.Փոստանջյանը թելադրում է եռյակին ինչ անել (տեսանյութ)