Ձեր վստահելի աղբյուրը

Կիպրոսի նախագահ Նիկոս Անաստասիադիսը ուրբաթ օրը հեռախոսազրույց է ունեցել ԱՄՆ փոխնախագահ Ջո Բայդենի հետ:

«Անաստասիադիսն ու Բայդենը քննարկել են Կիպրոսի հանրապետության բացառիկ տնտեսական գոտում սուվերեն իրավունքների անթույլատրելի խախտումը Թուրքիայի կողմից, ինչպես նաև Միացյալ Նահանգների ջանքերն այդ սադրանքները դադարեցնելու նպատակով»,-Կիպրոսի նախագահի մամուլի ծառայության հաղորդագրությունը մեջբերում է «Ռիա Նովոստի» գործակալությունը:

Տեղեկատվության համաձայն, Ջոն Բայդենն ըմբռնումով է մոտեցել Անաստասիադիսի դիրքորոշմանը:

«Կիպրոսի նախագահը ընդգծել է, որ Թուրքիայի անօրինական գործողությունների շարունակության դեպքում, կիպրական բանակցությունների վերսկսումն անհեռանկարային է: Այս համատեքստում ԱՄՆ փոխնախագահը մտադրություն է հայտնել դիվանագիտական վճռական միջոցներ ձեռնարկել, որպեսզի առանց սադրանքների ու անօրինական գործողությունների վերսկսվի բանակցային գործընթացը», - ասված է հաղորդագրության տեքստում:

Նշվում է նաև, թե զրուցակիցները պայմանավորվել են կապ պահպանել Բայդենի մոտակայքում Թուրքիայի կատարելիք այցի կապակցությամբ:

Հիշեցնենք, Թուրքիան սկսել է Միջերկրական ծովում գտնվող Կիպրոսի բացառիկ տնտեսական գոտում նավթագազային պաշարների սեյսմիկ հետախուզություն անցկացնել ՝ ի հեճուկս միջազգային հանրության կողմից նման գործողություններն անօրինական համարելուն:

Ավելի վաղ Թուրքիայի ծրագրերի մասին իր մտահոգությունն էր հայտնել նաև Հունաստանը;

Նախորդող հրապարակում՝
Հունաստանի ԱԳՆ. Թուրքիան չի անդամակցի Եվրամիությանը, մինչև չճանաչի Կիպրոսը