Կանայք պարտավոր են առողջ լինել՝ հանուն իրենց ամուսինների ու երեխաների. Խաչանուշ Հակոբյան
Հայ կանայք պարտավոր են առողջ լինել՝ հանուն իրենց ամուսինների ու երեխաների, իսկ որպեսզի նրանք առողջ լինեն, անպայման պետք է լինեն ապահովագրված այն նենգ հիվանդությունից, որը կոչվում է քաղցկեղ: Այս մասին այսօր լրագրողների հետ հանդիպման ժամանակ ասաց Հայ-ամերիկյան առողջության կենտրոնի գործադիր տնօրեն Խաչանուշ Հակոբյանը:
Իսկ հիվանդության նենգությունը նա պայմանավորվում է նրանով, որ մարդը կարող է բավականին երկար ժամանակ տառապել այդ հիվանդությամբ, սակայն այդ մասին իմանալ ավելի ուշ, երբ քաղցկեղը գտնվում է վերջին փուլում:
Ուստի, Խ. Հակոբյանը խորհուրդ է տալիս, որպեսզի 40-ից բարձր տարիքի կանայք գոնե տարին մեկ անգամ այցելեն բժշկի: Ի դեպ, նա նկատեց, որ հիվանդությունը վերջին տարիներին «երիտասարդացել» է:
«Վիճակագրության համաձայն քաղցկեղածին հիվանդությունները գնալով երիտասարդանում են և ախտահարում են առավել երիտասարդ օրգանիզմներին: Դրա համար կանայք պետք է անցնեն համալիր հետազոտություն»,- ասաց նա:
Խ. Հակոբյանը միաժամանակ նկատեց, որ մեր կանանց մոտ գիտակցությունը բարձրացել է և կանանց մեծ մասը գնում է պրոֆիլակտիկ ստուգման:
«4300 հոգի ունենք, որոնք դիմել են սկրինինգի նպատակով և զննության արդյունքում՝ քաղցկեղը հայտնաբերվել է վաղ փուլերում, ինչի արդյունքում նրանք բուժվել են և առողջացել»,-նշեց Խ. Հակոբյանը:
Անդրադառնալով վիճակագրությանը, կենտրոնի գործադիր տնօրենը նշեց, որ 2011 թվականին ունեցել են քաղցկեղի ախտորոշման 1140 դեպք, որից 421 դեպքը գրանցվել է միայն իրենց կենտրոնում: 1140-ից մահացել է 545-ը, իսկ բարձիթողի վիճակում, այսինքն՝ հիվանդության 3-րդ կամ 4-րդ փուլում կենտրոն է այցելել 407 հոգի:
Այս տարի գրանցվել է 1 121 դեպք, մահացածությունը կազմել է 631, իսկ բարձիթողի վիճակը՝ 531-ը: 2013 թվականին հիվանդացության թիվը 1 099 է, մահացածության թիվը՝ 524, իսկ բարձիթողի վիճակը` 338:
Լրահոս
Տեսանյութեր
18-20 տարեկան տղաներն իրենց կյանքի գնով Արցախում կանխել են ցեղասպանություն. Հովիկ Ավանեսով