Ձեր վստահելի աղբյուրը

ՄԱԿ-ի մանկական հիմնադրամի միջոցներով ձեռք բերած Tetanus պատվաստանյութը պարունակող հատուկ հորմոնը՝ Beta- HCGվ վիժման ու անպտղության է հանգեցնում: Օրեր առաջ նման հայտարարությամբ է հանդես եկել Քենիայի Կաթոլիկ եպիսկոպոսների կոնֆերանսը:

Հայտարարության մեջ նշվում է, որ նման եզրակացության են եկել լաբորատոր չորս փորձաքննություններից հետո և պատվաստումը որակել են «բնակչության հսկողություն» գաղտնի ծրագիր:

ՄԱԿ-ի Մանկական հիմնադրամի առողջապահական ծրագրերի ղեկավար Լիաննա Հովակիմյանը Panorama.am-ին ասաց, որ տեղյակ է հաղորդագրությանը:

«Հաղորդագրությանը ծանոթ եմ, ունեմ իմ կարծիքը, բայց չեմ կարող կիսել, դրա լիազորությունը չունեմ»,-ասաց Հովակիմյանը:

Նա ընդգծեց, որ Հայաստանում այս պահին նման պատվաստում չի իրականացվում, ոչ էլ առաջիկայում նախատեսվում է:

ԱՆ իմունականխարգելման ազգային ծրագրի ղեկավար Գայանե Սահակյանը Panorama.am-ին ասաց, որ հաղորդագրությունում նշվում է նորածնային փայտացման դեմ կիրառվող պատվաստանյութի մասին:

«Այն կիրառվում է միայն աֆրիկյան երկրներում, որտեղ բարձր է նորածնային փայտացման պատճառով մանկական մահացությունը: Պատվաստումները կատարվում է հղիներին: Այս պատվաստանյութը ՀՀ չի ներկրվում և մեզ մոտ չի կիրառվում»,-ասաց Գ. Սահակյանը:

Նախորդող հրապարակում՝
Վճարովի՞, թե՞ անվճար պատվաստում. «Մարդ հավաքագրելու համար չի կարելի հերյուրանք տարածել»