Ձեր վստահելի աղբյուրը

Ընդհանուր առմամբ, միջադեպը տարօրինակ էր այն տեսանկյունից, որ երևում էր Ադրբեջանում էլ տարբեր կառույցներ տարբեր ձևով էին պատրաստ սրան: Այսօր լրագրողների հետ հանդիպման ժամանակ խոսելով ադրբեջանցիների կողմից խոցված ԼՂՀ ուղղաթիռի դեպքից՝ ասաց մեդիափորձագետ Սամվել Մարտիրոսյանը:

«Երևում էր, որ բանակային ղեկավարության միջև պլանավորված ինչ-որ բան եղել է: Ուղղաթիռի վրա կրակած ադրբեջանցի զինվորի պարգևատրումը գրեթե անմիջապես եղավ: Մյուս կողմից էլ նրանց ՊՆ լրատվական դաշտի աշխատողները երևի թե ընդահանրապես պատրաստ չէին ու չէին էլ նախատեսում նման բան»,-նշեց փորձագետը:

Ըստ նրա՝ ադրբեջանցիների լրատվական դաշտում ամեն ինչ խառնվեց. «Սկսեցին տարբեր տեսանյութեր դաշտ նետել, որի հիմնական իմաստն այն էր՝ ցույց տալ, իբր թե ռազմական գործողություններ են կատարվել: Միանգամից երկու տեսանյութ հայտնվեցին, իբր ուղղաթիռը խոցելու վերաբերյալ, որոնք իրականում սիրիական պատերազմից էին վերծված»,-նշեց Մարտիրոսյանը:

Մեդիափորձագետի մեկնաբանությունները միջադեպի և տեսանյութերի մասին առավել մանրամասն՝ տեսանյութում: