Ձեր վստահելի աղբյուրը

Նոյեմբերի 26-ին տեղի ունենալիք նիստում Հանրային ծառայությունները կարգավորող հանձնաժողովը համաձայնություն է տալու «Արմինկո» ՍՊԸ-ի բաժնեմասը օտարելուն:

Որոշման նախագծից Panorama.am-ը տեղեկացավ, որ հիմք ընդունելով ընկերության ու տրանսպորտի կապի նախարարության գրությունները, ինչպես նաև «Էլեկտրոնային հաղորդակցության մասին» օրենքի 14-րդ կետը, հանձնաողովը որոշում է տալու «Արմինկո» ՍՊԸ-ի մասնակից «Արաբեսկ» ընկերության 79% բաժնեմասից 20-ական տոկոս օտարել ՀՀ քաղաքացիներ Անդրանիկ Ալեքսանյանին ու Արման Ներսիսյանին, 25 տոկոս Գրիգոր Սաղիյանին, 15 տոկոս՝ Սուրեն Մանուկյանին:

Որոշումն ուժի մեջ է մտնում ստորագրման պահից:

Արմինկո ընկերությունը 1992 թ–ից առաջարկում է Ինտերնետ հասանելիության ծառայություններ Հայաստանում։ Ընկերությունը ստեղծել ևշահագործում է 1 Գբիթ/վրկ թողունակությամբ քաղաքային օպտիկամանրաթելքային առանցքային ցանց։ Ինտերնետին միացումը Արմինկոն ապահովում է Fibernetև GNC-Alfa ընկերությունների կապուղիներով։ Արմինկոն, ամբողջ ՀՀ տարածքում, տրամադրում է Ինտերնետին միացում ԴիԷսԷլ (DSL), ռադիո և օպտիկամանրաթելքային տեխնոլոգիաներով:

Արմինկոն վարում է էլեկտրոնային համարակալման Հայաստանի Electronic Numbering (ENUM) համակարգը։ Արմինկո ցանցը միացված է NetSys, Cornet, Web, Xalt (Xternet Network), ADC ընկերությունների և Freenet ցանցերին։ Արմինկո ցանցում տեղադրված են ավելի քան 1000 Վեբ ռեսուրսներ: