Ձեր վստահելի աղբյուրը

 «Ես կարդացել եմ հաղորդագրություններն այն մասին, որ Լեռնային Ղարաբաղում զորքերի շփման գծում խոցված ուղղաթիռի անձնակազմի անդամների դիերի տարհանման համար հատուկ գործողություն է իրականացվել: Մենք կոչ ենք անում կողմերին սևեռել ուշադրությունը խաղաղ և վերջնական լուծման վրա»,- այս մասին ադրբեջանական ԱՊԱ լրատվական գործակալությանը հայտնել է ԵԱՀԿ ՄԽ ԱՄՆ համանախագահ Ջեյմս Ուորլիքը:

«Նոյեմբերի 12-ին արձանագրված միջադեպը ողբերգություն է, որի կրկնությունից մենք պետք է ապագայում խուսափենք: Մենք կոչ ենք անում կողմերին լինել զուսպ, բևեռել ուշադրությունը Լեռնային Ղարաբաղի հակամարտության խաղաղ լուծման վրա: Հակամարտության սրումն ու լարվածության աճը կհարվածեն խաղաղ բանակցություններին, կբարդացնեն հումանիտար խնդիրների լուծումը, որոնք ծագել են հակամարտության հետևանքով»,- նշել է նա:

Հիշեցնենք, որ Արցախի Պաշտպանության բանակի մամուլի ծառայության փոխանցմամբ` նոյեմբերի 12-ին` տեղական ժամանակով ժամը 13:45-ի սահմաններում, շփման գծի արևելյան հատվածի օդային տարածքում Ադրբեջանի ԶՈւ-ի կողմից հրադադարի ռեժիմի խախտման պատճառով խոցվել է Արցախի ՌՕՈւ Մի-24 ուղղաթիռ, որն ուսումնամարզական թռիչք էր կատարում: Այն տարածքը, որտեղ արձանագրվել է միջադեպը, շփման գծին բավականին մոտ է: Հակառակորդը միջադեպից հետո շարունակել է տարբեր տրամաչափերի զենքերից ինտենսիվ կերպով կրակ բացել միջադեպի վայրի ուղղությամբ:

Այնուհանդերձ, նոյեմբերի 22-ին ՊԲ մամուլի ծառայության փոխանցմամբ` ՊԲ ուժերը հատուկ գործողություն են իրականացրել, որի արդյունքում դեպքի վայրից դուրս են բերվել անձնակազմի անդամներից մեկի դին, երկուսի` մասունքները, ինչպես և Մի-24-ի որոշ անհրաժեշտ մասեր: Հատուկ գործողության հետևանքով Ադրբեջանի ԶՈւ-ն ունեցել է 2 կորուստ, հայկական կողմը կորուստներ չի ունեցել:

Նյութեր թեմայի շուրջ`
Մովսես Հակոբյան. Ադրբեջանը չի կարող սահմանափակել Արցախի Հանրապետության օդային տարածքը
Սեյրան Օհանյան. Հակառակորդը, թիկունքից հարվածելով հայկական բանակին, միշտ դիմահար ուժեղ հարված է ստանալու
«Եռաբլուր»-ում զինվորական արարողակարգով հուղարկավորում են խոցված ուղղաթիռի անձնակազմի անդամներին (լուսանկարներ, տեսանյութ)
Արցախի պաշտպանության նախարար. Մենք պարտադրված ենք դիմել հատուկ գործողությունների
Սեյրան Օհանյան. Այսուհետ էլ հայկական կողմն արժանի պատասխան է տալու ցանկացած այսպիսի սադրանքի
Բակո Սահակյանը հետմահու պարգևատրել է խոցված ուղղաթիռի անձնակազմի անդամներին
Այս գործողությունները բնույթով և բարդությամբ աննախադեպ էին. Ա. Հովհաննիսյան 
ՊԲ. ԼՂՀ հատուկ ստորաբաժանումները խոցված ուղղաթիռի անկման վայրում իրականացրել են հատուկ նշանակության գործողություն
ԼՂՀ ՊՆ. Իրադրությունն առաջնագծում լարվել է
Սահմանին լարված իրավիճակն առայժմ հնարավորություն չի տալիս մոտենալ խոցված ուղղաթիռին. Ա. Հովհաննիսյան
Կատարվածը ադրբեջանական վարչակազմի ձեռքի գործն է. Ֆրանսուա Ռոշբլուան