Ձեր վստահելի աղբյուրը

Ադրբեջանի կառավարությունը ծրագրել է հիմնել երկու նոր քաղաք, որոնցից մեկը կոչվելու է; ի պատիվ նախկին նախագահ Հեյդար Ալիևի: Այս մասին հաղորդում է ադրբեջանական «Հագըն.ազ» տեղեկատվական պորտալը` հղում անելով Aktual.az կայքին:

Ինչպես նշված է նյութում, «Ենի Ադրբեջան» (YAP) իշխող կուսակցության գործադիր քարտուղարի տեղակալ Սիյավուշ Նովուզովը պատմել է, թե նոր քաղաքներից մեկը տեղակայվելու է Ալյաթում, մյուսը` Շաբրան ու Սիյազան քաղաքների միջև:

«Բազմիցս հնչեցվել է այն միտքը, որ Ադրբեջանի քաղաքներից մեկին անհրաժեշտ է տալ Հեյդար Ալիևի անունը»,- հայտարարել է պատգամավորը` հավելելով, որ Նախիջևանում արդեն կա Հեյդարաբադ անունով քաղաք: «Այժմ ժամանակն է եկել Հեյդար Ալիևի պատվին անվանակոչել նոր քաղաք»,- հավաստիացրել է նա:

Հիշեցնենք, որ Հեյդար Ալիևի անձի պաշտամունքն Ադրբեջանում սկսել են ձևավորել դեռևս նրա կենդանության օրոք, գործընթացը շարունակվել է նրա մահվանից հետո ևս: Նրա պատվին անվանակոչվել են փողոցներ, զբոսայգիներ, տարբեր օբյեկտներ, այդ թվում` Բաքվի օդանավակայանն ու նավթարդյունահանման գործարանը: Դպրոցական դասագրքերում Հեյդար Ալիևին բնորոշում են` որպես «մեծն առաջնորդ» ու «Ադրբեջանի փրկիչ»: Ինչպես նկատել է BBC-ն, քննադատների խոսքերով` Հեյդար Ալիևի անձի պաշտամունքը ստեղծվել է այդ թվում իր որդու` Իլհամ Ալիևի իշխանությանը լեգիտիմություն հաղորդելու նպատակով:

Նախորդող`
Ադրբեջանական քարոզչամեքենան խմբագրում է Հեյդար Ալիևի «անհարմար» հայտարարությունները
Ադրբեջանցի պրոֆեսոր. Ադրբեջանցիների բոլոր դժբախտությունները կապված են Հեյդար Ալիև գործոնի հետ
Մեքսիկայում կապամոնտաժվի Հեյդար Ալիևի արձանը