Թուրքական համալսարանում հայերեն սովորող 3-րդ կուրսի ուսանողները մնացել են առանց դասախոսի

Կրթություն, գիտություն 19:05 05/12/2014

Թուրքական համալսարանում հայերեն սովորող 3-րդ կուրսի ուսանողները մնացել են առանց դասախոսի

Թրակիայի թուրքական համալսարանի բանասիրության ֆակուլտետի հայոց լեզու և գրականության ամբիոնի ուսանողները մնացել են առանց դասախոսի: Մասնագետի բացակայության պատճառով ուսանողները ճարահատյալ որոշում են կայացրել կրթությունը շարունակել համալսարանի այլ բաժիններում:

Թուրքական «Ջիհան» լրատվական գործակալությունը տեղեկացնում է, որ 3-րդ կուրս հասած ուսանողները կանգնել են խնդրի առաջ: Ֆակուլտետի ղեկավարությունը փնտրտուքների մեջ է, որպեսզի համապատասխան մասնագետ գտնի և հրավիրի դասախոսելուհասած ուսանողներին, բայց առայժմ ապարդյուն:

Բանասիրության ֆակուլտետի դեկան պրոֆեսոր Ռեջեփ Դույմազը, պարզաբանելով իրավիճակը, նշել է, որ 3 տարի առաջ բացված հայոց լեզվի և գրականության ամբիոնում այլ երկրի քաղաքացիություն ունեցող մասնագետներն էին դասավանդում: Նրանք ամեն տարի, ըստ ընթացակարգի, երկարացնում էին իրենց աշխատանքային պայմանագրերը: Բայց անցած ուսումնաական տարվա վերջին արդեն հայերենի մասնագետները չեն ցանկացել երկարացնել պայմանագրի ժամկետը:

«Փոխադարձ համաձայնության չկարողացանք գալ և նրանք հրաժարվեցին շարունակել իրենց աշխատանքն ամբիոնում: Մենք էլ ձեռնամուխ ենք եղել նոր կադրերի որոնմանը: Օգտագործում ենք մեր բոլոր հնարավորությունները»,- հայտնել է դեկանը:

Վերջինս նաև նշել է, որ իրենք կադրերի հարցով դիմել են Թուրքիայի հայկական դպրոցների ուսուցչական անձնակազմին, բայց իրենց կրթական ծրագրին համապատասխան մասնագետ չի գտնվել: Արդյունքում Թրակիայի համալսարանի ուսանողներին դեկանատն առաջարակել է տեղափոխվել լեզվի գծով այլ բաժիններ (անգլերեն, ռուսերեն):

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: