Ձեր վստահելի աղբյուրը

Մոսկվայի Բասմանյան դատարանը որոշում է ընդունել երկարաձգել գործարար Լևոն Հայրապետյանի տնային կալանքի ժամկետը մինչև 2015 թ. ապրիլի 19-ը: Այս մասին գրում է ՏԱՍՍ-ը: 

Հայրապետյանը ներկա չի եղել դատական նիստին, քանի որ գտնվում է հիվանդանոցում: Դատական նիստի ժամանակ նրա փաստաբանը հայտարարել է. «Լևոն Հայրապետյանը ներկայումս բուժում է անցնում հիվանդանոցում, որտեղ նրա մոտ միզապարկի քաղցկեղի ախտորոշումը հաստատվել է»:

Այդ հիվանդությունը, փաստաբանի պնդմամբ, այն հիվանդությունների ցանկում է, որոնք արգելում են մեղադրյալի գտնվելը մեկուսարանում:

Լևոն Հայրապետյանի պաշտպանական կողմը դատարանում հայտարարել է, որ Լևոն Հայրապետյանի նկատմամբ քրեական հետապնդումը պետք է դադարեցվի վաղեմության ժամկետը լրանալու և համաներման հիմնավորմամբ: Պաշտանի խոսքով, Հայրապետյանին վերագրվում է հանցագործություն, որը կատարվել է 2003թ. «Բաշնեֆթի» նախկին ղեկավար Ուրալ Ռախիմովի կողմից, և այն հետաքննվել է մինչև 2010թ., երբ հետաքննությունը դադարեցվել է վաղեմության ժամկետը լրանալու պատճառով. «Եթե անգամ ենթադրենք, որ Հայրապետյանը մեղավոր է, ապա նրա նկատմամբ համաներում պետք է կիրառվի»:

Հայազգի գործարար Լևոն Հայրապետյանին հուլիսի 24-ին ՌԴ քննչական կոմիտեն մեղադրանք էր առաջադրել ՌԴ Քրեական օրենսգրքի 160 (յուրացում և վատնում) ու 174 (փողերի լվացում) հոդվածների հատկանիշներով: Մոսկվայի Բասմանյան դատարանը ավելի վաղ բավարարել էր Լևոն Հայրապետյանի նկատմամբ որպես խափանման միջոց կալանքն ընտրելու մասին նախաքննական մարմնի միջնորդությունը:Դատարանը կալանքի մասին որոշումը հիմնավորել էր նրանով, որ ազատության մեջ Հայրապետյանը կարող է օգտագործել իր կապերը ու թաքնվել նախաքննությունից: Բացի այդ, նշված քրեական գործի շրջանակներում դատարանը կալանքի տակ է դրել «Բանեֆթի» ակցիաների վրա, որոնց արժեքը անցնում է 300 մլն ռուբլին: Հայրապետյանը չի ընդունում իր նկատմամբ առաջադրված մեղադրանքը և հերքում է դրանք:

Հոկտեմբերի սկզբին Մոսկվայի Բասմանյան դատարանը որոշում էր կայացրել ընդունել «Բաշնեֆթի» գործով կալանավորված Լևոն Հայրապետյանի խափանման միջոցը փոխելու մասին միջնորդությունը, որը ներկայացվել էր նախաքննական մարմնի կողմից և նրա նկատմամբ նշանակել տնային կալանք:

Նախորդող հրապարակումներ՝
Լևոն Հայրապետյանի խափանման միջոցը փոխարինվեց տնային կալանքով
Լևոն Հայրապետյանի գործով ՀՀ ՄԻՊ գրասենյակը սպասում է ՌԴ ՄԻՊ-ի դիրքորոշմանը
Գործարար Լևոն Հայրապետյանը կրկին տեղափոխել են մեկուսարան
Լևոն Հայրապետյանին տեղափոխել են քաղաքացիական հիվանդանոց
Լևոն Հայրապետյանը շարունակում է մնալ կալանավորված Դատական նիստի ժամանակ Լևոն Հայրապետյանի ինքնազգացողությունը վատացել է
Վլադիմիր Պուտինը Սերժ Սարգսյանին խոստացել է ուսումնասիրել Լևոն Հայրապետյանի հարցը
«Ի պաշտպանություն Լևոն Հայրապետյանի» երթի մասնակիցները նամակներ հանձնեցին պետական մարմիններին (տեսանյութ)
«Ժառանգություն». Լ. Հայրապետյանի նկատմամբ առաջադրված մեղադրանքն ունի քաղաքական ենթատեքստ
Լևոն Հայրապետյանը կալանավայրում կորցրել է գիտակցությունը
Պաշտպանական կողմը բողոքարկել է Հայրապետյանին կալանավորելու մասին դատարանի որոշումը
Լևոն Հայրապետյանի հետ կատարվածի մեջ քաղաքական ենթատեքստ չկա. Փաստաբան
Հայրապետյանի փաստաբանները կբողոքարկեն դատարանի որոշումը (Տեսանյութ)
Պաշտոնական Ստեփանակերտը անտարբեր չէ Լևոն Հայրապետյանի հետ կատարվածին