Երևանը՝ երևանցիների աչքերով

Մեկնաբանություններ 12:07 24/12/2014

Երևանը՝ երևանցիների աչքերով

1066 երևանցիների 63 տոկոսը Երևանում վերջին մեկ տարվա ընթացքում կատարված փոփոխությունները գնահատել են դրական: Լրագրողների հետ հանդիպման ժամանակ ասաց «Գելլափ Ինթերնեյշնլ Ասոցիացիայի» Հայաստանի ներկայացուցչության տնօրեն Արամ Նավասարդյանը՝ ներկայացնելով Երևանում դեկտեմբերի 9-16-ն անցկացրած «Երևանցիները Երևանի մասին» հետազոտության արդյունքները:

Վերջին մեկ տարում, ըստ երևանցիների, դրական է՝ նստարանների տեղադրումը, քաղաքի բարեկարգումը, ասֆալտապատումը, բակերի բարեկարգումը: Հարցված երևանցիների 82 տոկոսը գոհ է Երևանի արտաքին տեքստից:

Հարցման համաձայն, երևանցիների համար ամենակարևոր խնդիրներն են գնաճը, գործազրկությունը, աղբահանությունը, կոնունալ խնդիրները, հասարակական տրանսպորտը:

Երևանցիների կարծիքով, Երևանի քաղաքապետարանի կողմից տարվա ընթացքում պետք է իրականացվեն հետևյալ միջոցառումները՝ կանաչապատ տարածքների ավելացում, խաղահրապարակների կառուցում, շաբաթօրյակների անցկացում, մշակութային միջոցառումների կազմակերպում:

Երևանի համայնքներից ամենաբարձր գնահատականին արժանացել են Ավանը, Դավթաշենը, Կենտրոնը, ամենացածրը՝ Նուբարաշենն ու Աջափնյակը:

Երևանի քաղաքապետ Տարոն Մարգարյանի աշխատանքը երևանցիները գնահատել են 4,1 (1-5 բալանոց սանղակով, որտեղ 1-ն ամենացածրն է, 5ը՝ ամենաբարձրը):

Համայնքապետերից բարձր է գնահատվել Ավանի, Դավթաշենի:

Հարցվածներից միայն 19 տոկոսի տներում կա 3-6 տարեկան երեխաներ: Նրանիցի 36 տոկոսը չի հաճախում մանկապարտեզ տարբեր պատճառներով՝ հերթագրված են, մայրերը չեն աշխատում, խնամում են երեխաներին և այլն, 64 տոկոսը հաճախում է:

Երևանցիների դիտարկումների համաձայն, Երևանում զբոսաշրջությունը կարելի է զարգացնել հին շինությունները պահպանելով, «Հին Երևան» նախագիծը կյանքի կոչելով, կանաչապատ տարածքներն ու լուսավորությունն ավելացնելով:

Աղբահանության խնդրի հետ կապված, ըստ երևանցիների, նոր ընկերությունների աշխատանքի արդյունքում վիճակը կբարելավի. 33 տոկոսի կարծիքով, ընկերությունների աշխատանքը կնպաստի աղբահանության համակարգում առկա խնդիրների լուծմանը, իսկ 24 տոկոսի կարծիքով, ոչինչ չի փոխվի:

Ավտոկայանատեղիների համար նախատեսված կարմիր գծերից հարցվածների մեծամասնությունը դրական է արձագանքել:

Հարցված երևանցիների 57 տոկոսի կարծիքով, վերջին շրջանում դրամ-դոլար փոխարժեքի տատանումները վատ կանդրադառնա իրենց ընտանեկան բյուջեի վրա, իսկ 94 տոկոսն էլ նշել է, որ վատ կանդրադառնա երկրի տնտեսության վրա:

Ասուլիսին ներկա Երևանի քաղաքապետի տեղակալ Վահե Նիկոյանն ասաց, որ ներկայացված արդյունքները օգտակար կլինի իրենց համար հետագա ծրագրերի նախանշման համար: Նա նշեց, որ բնակչությանը հուզող խնդիրները համահունչ են քաղաքապետարանի ծրագրերին:

«Առկա խնդիրների մասով գործնական քայլեր իրականացվում են»,- վստահեցրեց Վ. Նիկոյանը:

«Գելլափ Ինթերնեյշնլ Ասոցիացիան» նաև հարցում է անցկացրել, թե ինչպես երևանցիները կգնահատեն ոստիկանական համակարգի աշխատանքը: Հարցվածների 10 տոկոսը բացասական է գնահատել ոստիկանության աշխատանքը, 52 տոկոսը՝ դրական: Ոստիկանապետ Վլադիմիր Գասպարյանի աշխատանքը երևանցիները գնահատել են 3,9 բալ (1-5 բալանոց սանդղակով):

ՀՀ ոստիկանության շտաբի պետի տեղակալ, կազմակերպական վերլուծական վաչության պետ, ոստկանության գնդապետ Անդրանիկ Ղազարյանն արձագանքելով ներկայացրած տվյալներին, ասաց, որ ոստիկանական համակարգում բարեփոխումները շարունակվում են, նախորդ տարվա համեմատ արդյունքներն ավելի դրական են:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: