Ձեր վստահելի աղբյուրը

Huffington Post հեղինակավոր պարբերականը ծավալուն հոդված է հրապարակել Ադրբեջանի, ինչպես պարբերականն է ներկայացրել, Աբսուրդիստանի նախագահ Իլհամ Ալիևի գործունեության վերաբերյալ, որում ամփոփված է դեկտեմբեր ամսվա տասը օրերի ընթացքում Ալիևի քաղաքական հայտարարություններն ու գործողությունները: Հոդվածի հեղինակ Թիլ Բրաքները (Till Bruckner) անդրադարձել է քաղաքացիական ազատությունների վրա Ալիև կրտսերի կողմից հերթական մասշտաբային հարձակմանը և դրա հետևանքներին։

«Տասը օր Իլհամ Ալիևի` Աբսուրդիստանի նախագահի կյանքից» հոդվածում Թիլ Բրաքները գրում է, որ «քանի դեռ քաղաքական գործիչները կտրատում էին հնդկահավը և երգում էին Սուրբ Ծննդյան տոների երգերը, Ադրբեջանի նախագահ Իլհամ Ալիևը դեռ տուն չէր գնացել աշխատանքից»։

Դեկտեմբերի 18-ին Ալիևը գրել էր Twitter-ի իր միկրոբլոգում. «Մեր ձեռքբերումները հնարավոր են դարձել լավ մտածված բարեփոխումների շնորհիվ։ Ադրբեջանը ամբողջ աշխարհում հայտնի է իբրև հաջող մոդել»:

Հոդվածագիրը հեգնանքով ներկայացրել է «Աբսուրդիստանի փաստացիորեն ցմահ նախագահ Իլհամ Ալիևի կյանքից տասը օր», որոնք լի են Միացյալ Նահանգներից անհանգստություն արտահայտող հեռախոսազանգերով, արտաքին օժանդակության անսպասելի ծրագրերով, մեգա-նախագծերի հրապարակներ ստուգայցերով, քննադատների նկատմամբ հետապնդումներով, և այլն։

Կիրակի, դեկտեմբերի 21, 2014թ.

Նախագահ Ալիևը հեռախոսազանգ է ստանում ԱՄՆ Պետքարտուղար Ջոն Քերրիից, ով զանգահարել էր արտահայտելու իր «անհանգստությունները» Ադրբեջանում քաղաքացիական հասարակության դեմ թափ առած ճնշումների վերաբերյալ։ Չնայած արդեն ութ օր անց Պետքարտուղարության ամենօրյա բրիֆինգների ընթացքում այս թեմային անդրադարձը չդարձավ առարկայական քննարկում, պարզ է, որ հեռախոսազանգի առարկան «անցնող ամբողջ տարվա ընթացքում Ալիևի կողմից հանուն ժողովրդավարության շարժման ակտիվիստներին, ինչպես նաև մարդու իրավունքների պաշտպանների ու լրագրողների նկատմամբ բռնաճնշումները, քրեական հետապնդումները և ճաղերի հետևում նրանց բանտարկելը և հարակից թեմաներն էին եղել»։

Այս ֆիլմում նկարահանված հերոսներից գրեթե բոլորը, ներառյալ Հադիջա Իսմայիլովան, անցնող 12 ամիսների ընթացքում հայտնվել են ճաղերի ետևում։

Նշված բրիֆինգի ընթացքում այն որ Պետքարտուղարության խոսնակը հրաժարվեց մեկնաբանել Իսմայիլովայի գործը, շատերին զարմացրեց մամուլի սենյակում։ Մի անանուն աղբյուր շշնջաց, որ Բաքվում դեսպանությանը դուր չեն եկել Իսմայիլովայի քննադատությունները ԱՄՆ հասցեին, թերևս նկատի ունենալով Բաքվում ԱՄՆ դեսպան Ռիչարդ Մորնինգսթարի հետ նրա հարցազրույցը երկրում մարդու իրավունքների խախտումների մասով ԱՄՆ դիրքորոշման վերաբերյալ։

Դեկտեմբերի 25, 2014թ

Երբ քրիստոնյա աշխարհի մի մասը նշում էր Սուրբ Ծնունդը, Ալիևի աշխատակազմի Քաղաքական և հանրային կապերի վարչության պետ Ալի Հասանովը տոնական ելույթ է ունենում լրագրողական մրցույթի հաղթողների պատվին։ «Որևէ մեկը չի կարող ասել, թե մեր պետությունը կամ նրա կառույցները երբևէ հետապնդման են ենթարկել լրագրողների», հաղթական առոգանությամբ հայտարարում է Հասանովը։ Նա ավելացնում է, որ Ադրբեջանը աշխարհում միակ երկիրն է, որտեղ պետությունը բնակարաններ է տրամադրում լրագրողներին։ Սակայն նրա այս խոսքերը պահպանվել են միայն գրավոր տեսքով և պարզ չէ, արդյոք նա սրանով սպառնում էր ներկաներին, թե ոչ։

Դեկտեմբերի 26, 2014թ

Այս ելույթի հաջորդ օրը Ալիևը ուղարկում է իր զինված ոստիկանությանը Ազատության ռ/կ ադրբեջանական «Ազադլիգ» ծառայության գրասենյակը փակելու հրամանով, որը այդ երկրում քննադատական կարծիքներ արտահայտող վերջին հարթակներից մեկն էր մնացել։

Այս հաշվեհարդարից ժամեր անց նախագահ Իլհամ Ալիևը մասնակցում էր Բաքվի նորակառույց Հեյդարի մզկիթի բացմանը, որն անվանակոչվել էր իր հոր պատվին։

Մզկիթի բացմանը Իլհամ Ալիևը հիրավի պատմական ելույթ ունեցավ։ Ալիևից առաջ որևէ առաջնորդ դեռ չէր բացել նոր աղոթավայր առանց գոնե մեկ անգամ հիշատակելու Աստծո անունը։ Ինչևէ, նա չմոռացավ ինն անգամ նշել իր հոր անունը։

Դեկտեմբերի 27, 2014թ.

Ալիևի դատախազները տասնյակ լրագրողների հրահանգում են սեփական կամքով ներկայանալ հարցաքննությունների։ Կես աշխարհ հեռու գտնվող Պետքարտուղարությունը արտահայտեց իր «անհանգստությունը» և կոչ արեց Ադրբեջանին «թափանցիկ» և միջազգային պարտավորություններին համահունչ հետաքննություն անցկացնել։

Այս ամենը, սակայն, ամենևին չտպավորեց մարդու իրավունքների պաշտպաններին։

Ադրբեջանական Մեյդան TV-ն հրապարակեց մի ծաղրանկար, որտեղ Ալիևը ամերիկյան Ազատության արձանից գողանում է կրակը և վազում, իբրև «կեղծ Պրոմեթևս»։

Մոտավորապես նույն ժամանակ, ԵԱՀԿ-ում ԱՄՆ դեսպանը Դենիել Բաերը (Daniel Baer) ոչ այնքան դիվանագիտորեն մի քանի գրառում է թողնում իր Twitter միկրոբլոգում` սուր քննադատության ենթարկելով Ալիևի ռեժիմը։

Միևնույն ժամանակ, այն մարդը, ով Հատիջա Իսմայիլովայի դեմ մեղադրանքներ էր ներկայացրել իրեն իբր ինքնասպանության հասցնելու համար, հետ է վերցնում իր մեղադրանքները, սակայն Իսմայլիովան շարունակում է մնալ կալանքի տակ։

Դեկտեմբեր 28, 2014թ

Ի՞նչ էր անում կիրակի օրը նախագահ Ալիևը։

Նա հանդես չեկավ որևէ ոգևորող ելույթով։
Նա չգնաց որևէ մեգա-նախագծի շինհրապարակ։
Նա չբացեց որևէ նոր շենք։
Նա նույնիսկ չհրահանգեց որևէ նոր ձերբակալություն։

Հետաքրքիր է, էլ ի՞նչ կարող էր այդ օրն անել նախագահ Ալիևը այս աշխարհում։

Հոդվածի շարունակությունը կարող եք կարդալ` այստեղ։